Bizkaia Zientzia Plazak zazpi ekitaldi eta 100 hizlari baino gehiago izango ditu
Bizkaia Zientzia Plazak zazpi ekitaldi izango ditu aurten, eta zientziarekin lotutako ehun hizlari eta gonbidatu baino gehiago ekarriko ditu Bilbora irailean. Zientzia hedapenerako jaialdia EHUko Kultura Zientifiko Katedrak antolatuko du.
Jarduera zientifikoaren esparru ezberdinak formatu anitzetan jorratuko dituzte, hala nola, hitzaldi, ikuskizun eta tailerrekin. Ekitaldia Ekonomia, Industria eta Lehiakortasun Ministerioaren Espainiako Zientzia eta Teknologia Fundazioarekin lankidetzan antolatuko dute.
Naukas Bilbao jaialdiko ekitaldi nagusia izango da, irailaren 14an eta 15ean. Besteak beste, Alicia Sintes fisikariak parte hartuko du. Grabitazio uhinak antzemateko ikerketan parte hartu duen Espainiako zientzialari talde bakarraren zuzendaria da Sintes. 2017an Fisika Nobel saria irabazi zuen ikerketak. Francis Mojica mikrobiologo eta ikertzaileak ere hitza hartuko du jaialdian.
Irailaren 13an Naukas Proren txanda izango da. Zientziaren ariketa profesionalaren ikuspegi ezberdinak eskainiko dituzte bertan. Gazteenentzako jarduerak ere izango dira: Ciencia Show zientziaren inguruko bakarrizketa lehiaketa, bigarren hezkuntzako ikasleentzat, eta Naukas Kids, zientzia modu dibertigarrian ikastea posible dela erakusteko haurrei eta nerabeei.
Azkenik, Jakinduriek mundue erreko dau! (Bertsozientzia) ekimena Ondarroan, Durangon eta Igorren aurrera eramango dute, bertsolaritza eta zientzia uztartuz.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.