Bilboko harrera sareak migranteentzako baliabide gehiago behar direla berretsi du
Bilbora iristen diren etorkinei harrera egiteko sarea osatzen duten bizilagunek prentsaurrekoa eman dute gaur eta Eusko Jaurlaritzako, Bizkaiko Foru Aldundiko eta Bilboko Udaleko ordezkariekin bildu ostean, euskal instituzioek abian jarritako neurriak eta errekurtsoak "gutxiegi" direla salatu dute. Horregatik, "erakunde publikoek ez badute euren lana egiten", orain arteko jardunarekin jarraituko dutela esan dute.
Ekain amaieratik pateretan iritsitako ehunka afrikar "Bilbora etorri" direla azaldu dute, eta euskal erakundeek jarritako baliabideak "erabat eskas" geratu ostean, Bilboko bizilagunek hartu dutela pertsona horiei laguntza emateko ardura, Bilboko Harrera Auzoak taldeak osatuz, eta Afrikako komunitatearen, SOS Arrazakeriaren eta Ongi Etorri Errefuxiatuak elkartearen laguntzarekin.
Aurreko ostiralean euskal instituzioekin "lehen topaketa" izan zutela kontatu dute eta horiek jakinarazi dietela udan "igarobidean diren migranteentzat irekitako azpiegiturei eutsi egingo zaiela.
Horiekin batera, Berrizen 15-20 egunetarako egonaldiko zentroa egongo da, 20 emakumerentzako tokia izango duena, bakarrik dauden emakumeek, adin txikikoak dituzten amek eta gaixo daudenek erabil dezaten. Oñatin, berriz, 100 plazako aterpea ireki dute nazioarteko babesa eskatzen duten etorkinentzat, 3 hilabeteko egonaldia bermatuz, eta luzatzeko aukerarekin, 'irizpide teknikoen arabera’.
Harrera eta Auzolan programak ere pisuren bat gehiago jarriz indartuko direla jakinarazi zieten erakundeetako ordezkariek.
Ordezkari instituzionalek "denbora eskatu digute neurriak benetan eraginkorrak diren ikusteko" adierazi dute, baina oraingoz talde hauek argi dute abian jarritako protokoloak eta programak "eraginkortasunik gabeak, epe motzekoak eta migranteen errealitatera moldatzen ez direnak" direla.
Euren proposamenak
"Zifra ofizialen arabera" Europara bidean dauden etorkinentzat udan ireki diren 218 plazak "sei hilabetera arte egon ahal izateko zentro espezializatu" bihurtu behar dira harrera taldeen iritziz, "harrera modu pertsonalean eginez".
Era berean, Bilbon, bere inguruetan, eta Bizkaiko beste herrietan, CEARek errefuxiatuentzat dituen etxebizitzak areagotzeko ere eskatu dute, Oñatik eskainiko dituen 100 plazak "ez baitira nahiko izango", eta Berrizkoa bezalako zentro gehiago irekitzeko ere eskatu dute.
Halaber, euskal instituzioei eskatu diete "Espainiako Gobernuari presioa egin diezaiotela, Atzerritartasun Legea atzera bota dezan" eta "Ertzaintzak eta udal poliziek Espainiako Poliziaren Atzerritartasun Brigadarekin kolaboratu ez dezatela"
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.