Udazken itxurako astelehen baten ostean, aste udatiarra
Udazkenean gaude, eta gaur inor gutxik jarriko du zalantzan hori; hodeiak zeruan, euria eta tenperatura minimoak 12 graduren bueltan. Giro goibelarekin abiatu dugu astea, baina asteartearekin batera erabat aldatuko da eguraldia.
Euskalmet Euskal Meteorologia Agentziak egindako eguraldi iragarpenaren arabera, astelehen goizean zerua oso hodeitsu egongo da eta euria egingo du; oro har, euri txikia, baina ipar partean baliteke zenbait unetan mardulago egitea. Arratsaldean, atertzera egingo du, eta gauean ostarteak zabalduko dira. Iparraldeko eta ipar-ekialdeko haizeak joko du, eta tenperatura maximoak asko jaitsiko dira; barnealdean beroenak igandekoak baino 10 ºC baxuagoak izango dira. Tenperatura minimoak ere asko jaitsiko dira, eta gauean neurtuko dira hotzenak, azken orduetan. Nafarroa hegoaldean, ziertzoa bizi ibiliko da.
Asteartean, beste itxura bat hartuko du aroak, eta eguzkia izango da jaun eta jabe. Goizean goiz, behe-lainoa izango dugu leku askotan, baina laster jasoko du eta zerua oskarbi geratuko da denean. Eguzkitsu egon arren, tenperatura maximoak ez dira asko igoko; izan ere, ipar-ekialdeko haize fina ibiliko da. Goizaldean, hotz egingo du, leku askotan 10 ºC-tik behera jaitsiko baita tenperatura.
Asteazkenean, uda giroa: eguzkia eta beroa. Oskarbi egongo da ipar partean, eta hegoaldean, aldiz, baliteke behe-lainoak eguerdira arte irautea, eta gero lainoguneei loturiko hodei hondar batzuk geratzea. Hego-ekialdeko haizea bizi ibiliko da, bolada gogorrekin tarteka. Horren ondorioz, tenperatura asko igoko da ipar isurialdean; maximoak 30 ºC-ra hurbilduko dira.
Joeraren arabera, eguraldiak ildo beretik jarraituko du ostegunean eta ostiralean.
Zure interesekoa izan daiteke
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.