Pablo Ibar oraingo honetan espetxetik aterako dutela espero du bere abokatuak
Andres Krakenberger, Pablo Ibarren heriotza-zigorraren aurkako elkarteko bozeramailea, ziur dago oraingo honetan Pablo Ibar Browardeko (Florida) espetxetik aterako dutela. Pablo Ibar hilketaren lekuan egon ez zela frogatzen duten froga "sendoak" dituztela ziurtatu du.
Krakenbergek zehaztu duenez, bihar, urriak 1, epaimahaia osatuko duten 12 pertsonen aukeraketa hasiko da. Prozesu horrek lau eta sei aste iraun dezake eta ondorioz, epaiketa hiru eta sei hilabete bitartean luzatuko dela aurreikusten da.
Andres Krakenberger Europa Press agentziari eginiko adierazpenetan itxaropentsu agertu da, Pablo Ibarren aurkako hirugarren epaiketa hau azkena izatea espero baitu "argi baitago ez dela erruduna".
Halaber, aurre egin beharko dieten arriskuen inguruan ere hitz egin du. "Zer gertatzen da?, Pablo Ibar heriotza zigorrera kondenatu nahi duen Fiskaltzari egin behar diogu aurre. Bestaldetik, epaimahaia ahalik eta inpartzialena izatea nahi dugu, ea lortzen dugun. Baikorra edo ezkorra naizen galdetzen didatenean, ez naiz ez bat, ezta bestea ere. Ziur gaude Pablo dagoen lekutik aterako dugula frogek hori esaten baitute", esan du.
Andres Krakenberger gogorra izan da Fiskaltzarekin, Pablo Ibarren aurkako froga berririk ez duela ekarri leporatu dio. "2000. urteko epaiketara eraman ez zuen zerbait berria ekarriko al du oraingo epaiketan?, ezer berrik ez. Zer esan zuen Floridako Auzitegi Gorenak Fiskaltzaren frogen inguruan?, froga eskasak eta ahulak zirela, heriotza zigorra indargabetu zuen eta epaiketa errepikatzeko eskatu zuen", adierazi du.
Era berean, Fiskaltzak "apaindu eta haziko dituen argudio guztiak" indargabetzea espero dute, Fiskaltzak froga "eskasak eta ahulak" dituelako. "Ibilbidearen amaieran epaiak Pabloren errugabetasuna baieztatzea espero dugu".
Ibarren familia epaiketaren errepikapenagatik "animatuta" dago. 2000. urtetik ari dira borrokan, baina aldi berean urduri daude "aldeko frogek, ez baitute ezer ziurtatzen".
Zure interesekoa izan daiteke
Joko areto baten kontra protesta egiteagatik auzipetutako lau gazteen kontrako epaiketa atzeratu dute, datarik gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.