Pablo Ibarren epaiketa berria 'luzea' izango dela ohartarazi du epaileak
Pablo Ibarren epaiketa berria hasi da gaur Fort Lauderdalen. 1994an, Floridan, egindako hilketa hirukoitza leporatzen diote. Epaiketa urtarrilera arte ez bukatzea eta auzi konplexua izango dela esan die epaileak epaimahaikide posibleei.
Epaimahaiko 12 kideak aukeratzeko prozesua abiatu du gaur Dennis Bailey epaileak Fort Lauderdalen, Miamitik 45 kilometrora. Ibarri egingo dioten laugarren epaiketa izango da. 46 urteko gizonak 24 urte eman ditu preso, Casimir Sucharski, Sharon Anderson eta Marie Rogers hiltzea egotzita.
50 pertsonak, horien erdia emakumeak, agerraldia egin dute gaur, epaimahaiko 12 kideak aukeratzeko. Ibar errudun jo ala ez erabakitzeko erantzukizuna izango du epaimahaiak.
Akusatua, trajez eta gorbatarekin jantzita, eskuburdinez lotuta eta kateaturik heldu da, baina saioa hasi denean bilurrak kendu dizkiote. Horrela, epaileak epaimahaikide posibleei eginbeharra eta auzitegien egutegia azaltzen zien bitartean, oharrak hartu ahal izan ditu Ibarrek.
Jose Manuel Ibar Urtain boxeolariaren lobak 16 urte eman ditu heriotzaren korridorean, baina duela bi urte Floridako Gorte Gorenak zigorra baliogabe utzi zuen, zigortuaren aurka aurkeztutako frogak “eskasak” eta “ahulak “ izan zirelako.
Auzi oso konplexua dela esan die Bailey epaileak epaimahaikide posibleei. Horregatik, litekeena da bigarren fasea urtarriletik aurrera luzatzea. “Laguntza behar dugu”, azpimarratu du.
Saioak egunero izango direla argitu du epaileak, Eguberrian eta Esker Emate Egunean izan ezik. “Hau ez da zineman edo telebistan bezala, noiz bukatuko den dakizunean”, ohartarazi die.
“Auzi batzuk konplexuagoak dira, eta denbora asko behar dute. Hau horietako bat da”, esan die Baileyk epaimahaia osatzeko deitu dituzten hautagaiei.
Dennis Bailey epailea. Argazkia: EFE
Errugabetasuna demostratzeko “sekula ez bezala borroka” egingo dutela nabarmendu zuen Tanya Quiñones Ibarren emazteak larunbatean. Quiñones ez da auzitegian izan. Maria Mercedes Quiñones arreba eta Candido Ibar aita, aldiz, bai joan dira. Nahiz eta epaiketa berriaren zain denbora eman, “urduri” zegoela aitortu akusatuaren aitak.
Orain arte hiru epaiketa egin dizkiote Ibarri, horietako batean epaimahaiak ezin izan zuen aho batez erabaki, beste bat baliogabe utzi zuten eta hirugarrena, 2000n, heriotza-zigor batekin bukatu zen, baina 16 urte geroago baliogabe utzi zuen Floridako Gorte Gorenak, berriz epaitzeko agindua emanez.
Zure interesekoa izan daiteke
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.
5 labana konfiskatu eta 51 pertsona identifikatu dituzte Barakaldoko diskoteka batetik gertu
Eusko Jaurlaritzako Segurtasun Sailak jakinarazi duenez, Ertzaintzak eta Barakaldoko Udaltzaingoak goizaldean egindako kontrol batean atzeman dituzte, kontzertu bat ematen ari ziren dantzaleku baten inguruetan.
Gasteizko Udalak 200 euroko isunak jarriko ditu astelehenetik aurrera, Emisio Gutxiko Eremuan urraketak eginez gero
Informazio epean, Udalak bi mila ohartarazpen-gutun baino gehiago bidali dizkie arau-hausleei, zigortu beharrean pedagogia egiteko, eta horrek balio izan du pertsona askok beren egoera erregularizatzeko, salbuespenak eskatuz.
Ertzaintzak alkohol eta droga kontrolak areagotuko ditu errepideetan datorren astean
Alkoholemia-proba batean positibo ematea arau-hauste oso larria da, eta 500-1.000 €-ko zigorra eta gehienez 6 puntu kentzea dakar.
Epaitegiak arrazoia eman dio ezgaitasuna duen gazte bati, eta Gasteizko Udalean funtzionario izateko aukera izango du
Udalak erabaki zuen ez zituela LEParen oinarriak betetzen, baina gazteak bere desgaitasun-maila frogatu ahal izan zuen eta epaitegiak arrazoia eman dio.
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.