2018ko Kilometroak festaren balorazio gazi-gozoa egin dute
Ustekabeko protagonista izan du 2018ko Kilometroak jaiak: euria. Antolatzaileek deitoratu dutenez, "gonbidatuta egon ez arren", egun osoan zehar egin du euria igande honetan Urretxun eta Zumarragan ospatu duten Gipuzkoako ikastolen aldeko festan, eta, horren ondorioz, espero zutena baino jende gutxiago bildu da aurten. Dena dela, bertaratu ez direnek ere diru-ekarpena egiteko asmoa erakutsi dute, antolatzaileek adierazi dutenez; beraz, euren proiektuetarako diru nahikoa biltzea espero dute.
"Oztopoak oztopo, lasaitasunean eta giro onean joan da eguna", adierazi dute Kilometroak jaiaren aurtengo antolatzaileek ohar baten bidez. "Eguraldi makurrak ez du prestatutako egitaraua zapuztu, nahiz eta zenbait ekitaldi moldatu behar izan diren", adierazi dute; Gipuzkoako Kirol Egokituaren Federazioaren erakustaldia, esaterako, bertan behera utzi behar izan dute.
Hala eta guztiz ere, egunak "ustekabe politak ere" eskaini ditu. "Urretxu-Zumarraga ikastolako eraikina gune inprobisatu bihurtu da; euriarengandik babesteko asmoz familia askok baliatu du eraikina babesleku bezala", azpimarratu dute.
Diru-ekarpenak egiteko modua
Igandean jaira joan ezin izan zirenek, eta joanda ere, Urretxu-Zumarraga ikastolari aparteko laguntza eman nahi diotenek bigarren aukera bat dute, antolatzaileek astelehen honetan jakinarazi dutenez.
Hala, hainbat kontu korronte zabaldu dituzte diru-ekarpenak egiteko:
KUTXABANK 2095 5001 00 911 7322404
LABORAL KUTXA 3035 0027 76 0270053696
RURAL KUTXA 3008 0158 3336 2854 4227
'Zubiak batuz' lelopean
Horrela, 'Zubiak batuz' lelopean ospatu dute Urretxun eta Zumarragan Gipuzkoako Ikastolen aldeko jaia. Leloari men eginez, zubiek batzeko, "elkarrengana gerturatzeko eta harremanak sendotzeko duten garrantzia" azpimarratu dute antolatzaileek, eguraldiak baldintzatu duen hasiera ekitaldian.
Urte guztian bidelagun izan den Zubizikletari ongietorria eginez eman diote hasiera Kilometroak jaiari. Bertan izan dira, besteak beste, Cristina Uriarte Hezkuntza sailburua, Markel Olano Gipuzkoako ahaldun nagusia, Denis Itxaso Gipuzkoako Kultura diputatua, Eider Mendoza Gipuzkoako Batzar Nagusietako presidentea, Garbiñe Mendizabal Gipuzkoako Hizkuntza Berdintasuneko zuzendaria eta Jon Luqui eta Mikel Serrano Urretxu eta Zumarragako alkateak.
Argiñe Artolazabal Urretxu-Zumarraga Ikastolako zuzendariak egin die ongietorria guztiei. Bere hitzaldian, orain 52 urte Urretxu-Zumarraga Ikastola abian jarri zuten gurasoak izan ditu gogoan, eta haiek egungo gurasoen ispilu direla nabarmendu du. "Haien lekukoa hartuta, gaur egun Ikastola osatzen dugun familiak eta langileak urte osoan aritu gara lanean, gogotsu eta ilusioz. Eta, emaitzak emaitza, ikasgai garrantzitsu bat jaso dugu: komunitate sendoa osatzen dugula", azpimarratu du.
Ekitaldi xumea izan da ikastolaren iragana eta oraina batu dituena. Aurreskuan, esaterako, ikastolako langileek eta egungo zein lehengo guraso eta ikasleek hartu dute parte. Ikastolaren etorkizuna, berriz, egungo ikasleek egin duten dantzan islatu nahi izan dute. Kilometroetako kantarekin lotutako koreografia dantzatu dute adin ezberdinetako ikasleek.
Lehen urte haietan musu truk ikastolaren alde lanean aritu ziren familiak omentzeko ere balio izan du ekitaldiak. Familia horien ordezkari gisa Balentziaga-Larrañaga eta Garralda-Areizaga familiak izan dira oholtzan. Haiek izan dute, zubiak batzeko asmoz, aurtengoan Kilometroak jaiari hasiera eman dieten zintak batzeko ardura.
Azken urteetan hainbat berrikuntza egin dituzte Urretxu-Zumarraga Ikastolako eraikinean behar pedagogiko berrietara egokitzeko, eta lan horiek eragindako gastuei aurre egiteko baliatuko dute aurtengo jaian lortutako dirua.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.