Abiatu da Kilometroak jaia Urretxun eta Zumarragan, euskararen alde zubiak batuz
Zintak batuz eman diote hasiera Kilometroak jaiari Urretxu-Zumarragan. Lehendabizikoz 1985ean hartu zuen parte Legazpiko Haztegi Ikastolarekin eta 2002an, berriz, bakarka. Urriko lehen igandera itzuli da Gipuzkoako ikastolen jai handia.
Urretxu-Zumarraga Ikastolak azken urteetan hainbat berrikuntza egin ditu ikastolako eraikinean. Udan LH eta DBHko lehen zikloko guneak berritu zituzten, eta Kilometroak jaian lortutako dirua berrikuntza horretara bideratuko da.
Leloa eta abestia
'Zubiak batuz' da aurtengo edizioaren leloa, eta aurtengo helburuaren adierazle, ere bai: Zumarraga eta Urretxu bi herri ezberdin dira, "baina askotan, baten moduan funtzionatzen dute. Zubiak batu, indarrak biderkatu eta elkarrekin antolatuko dugu festa handi hau".
Urretxu-Zumarragako Bertso Eskolak sortu du abestiaren letra eta Secundino Esnaola Musika Eskolak, berriz, doinua. Uxue Kerejeta, Maddi Martin eta Sergio Patxuko dira abeslariak.
Zirkuitua eta aparkalekuak
5,9km eta lau gune izango ditu Kilometroetako zirkuituak. Hauek izango dira guneak: Ikastola, Zumarragako plaza-Lizeoa, Etxaburu eta Santa Barbara.
Autoa aparkatzeko bi aparkaleku prestatu dira, bat Urretxun, eta bestea Zumarragan. Urretxuko Mugitegi industrialdean autoak eta autobusak utzi ahal izango dira.
Bizikletaz joatea pentsatu dutenentzat ere bi aparkaleku egongo dira. Azkoitia aldetik iristen direnek Urretxuko pilotalekuan izango dute txirringak uzteko aukera; Legazpi eta Debagoienetik doazenek, aldiz, Kamineroen etxean. Bi aparkalekuak bidegorriaren ondoan daude.
Garraio publikoa
Urretxu eta Zumarragara heltzeko garraio publikoa erabiltzea gomendatu dute antolatzaileek. Renfek aldiriko tren bereziak eskainiko ditu egun horretan (Irun-Brinkola). Zumarragako geltokitik bertatik sartu ahal izango da zirkuituan.
Lurraldebusek ere autobus zerbitzu bereziak eskainiko ditu. Egun horretan autobus horien geralekua aldatu egingo dituzte (ezingo dira Renfeko tren geltokiraino sartu). Antzuola eta Legazpi aldetik datozen autobusak Mugitegi industrialdean geratuko dira, eta Azkoitia aldetik datozenak, berriz, Zumarragako eliza aurrean.
Egitaraua
Lehen gunea Ikastola izango da. Bertan egongo dira Imanol Ituño, 3zpa4ko lagunak, erromeria.eus eta kantu kolore. Goizeko 10:15etik 13:15era sormen tailerra, aniztasun tailerra eta zientzia tailerraz gozatzeko aukera izango dute bertara hurbiltzen direnek.
Trikuarri, Lurra eta Irritzi dantza taldeak, Tiktara, Hiri Galduak eta Gozategik girotuko dute Zumarragako Plaza (2. Gunea). Kirola ere izango da protagonista gune honetan, bertan arituko baitira kirol anitzetan, kriketean eta herri kiroletan.
Kontzertuak izango dira nagusi 3. eta 4. guneetan (Etxaburu eta Santa Barbara). Etxaburun Patxuko Nice, Gorpuzkingz, Willis Drummond, Voltaia eta Eraso igoko dira oholtzara. Oso Fan, Madeleine, La Basu, Oihan Vega eta Hesianek jarriko diote musika Santa Barbarako 4. guneari.
Zure interesekoa izan daiteke
Uharteko parrokoak barkamena eskatu eta sareak itxi ditu migratzaileen aurkako txioengatik
Ohar baten bidez argitu duenez, Iruñeko eta Tuterako Elizbarrutia ez dago ados Javier Aizpunek zabaldutako mezuekin, eta aita santuaren hitzak bere egin ditu "giza duintasunak pasaporterik ez" duela azpimarratuz.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia heldu da, eta programazioaren zati handi bat kolokan dago, greba dela eta
Blusen eta nesken koadrilek Andre Maria Zuriari egindako lore eskaintza eta aurreskua izango dira asteazken honetan Gasteizko jaietako egun nagusiko ekitaldi nagusiak. Ikuskizunetako teknikarien grebak La pasión infinita lanaren funtzioa bertan behera uztera behartu du dagoeneko, eta programaren beste ekitaldi batzuk zalantzan mantentzen ditu.
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoaren 3ko sarraskia gogoan, Zeledonek hasiera eman die Ama Zuriaren jaiei
Baskoniaren ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.