Hasi da Pablo Ibarren kontrako bigarren epaiketa, Floridan
Gaur hasi da Pablo Ibarren kontrako ahozko epaiketa, Floridan. Euskal jatorriko 46 urteko gizona akusatuen aulkian eseriko da bigarrenez.
Pablo Ibarrek 24 urte daramatza espetxean (horietatik 16 heriotzaren korridorean igaro zituen), 1994an hiru pertsona hiltzea egotzita. Floridako Fiskaltzak heriotza-zigorra eskatzen du berarentzat.
Lehendabiziko saioa hasi aurretik, epaimahaiko hamabi kideek juramentua egin dute eta ondoren Dennis Bailey epaileak hitza hartu du, Ibarri leporatzen zaizkion delituak zeintzuk diren azaltzeko eta epaiketari buruzko datu teknikoak emateko. Luze joko duela eta lekuko ugari izango direla azpimarratu du.
Epaitegia jendez bete da. Ibar trajez jantzita eta eskuburdinak jarrita iritsi da aretora. Barruan eskuburdinak kendu dizkiote eta bere abokatuen ondoan eseri da.
Fiskalak DNAn espezializatutako bederatzi peritu deitu ditu deklaratzera, Pablo Ibar hilketa gertatu zen egun eta tokian kokatzeko.
1994an Casimir Sucharski, Sharon Anderson eta Marie Rogers hiltzea leporatzen badiote ere, hasiera-hasieratik errugabea dela esan du. Senide eta lagunak itxaropenez beteta daude.
Aurreikuspenen arabera, ahozko epaiketa 2019ko urtarrilera arte luzatuko da.
Talde politikoen babesa
Bestalde, Diputatuen Kongresuko eta Senatuko ordezkaritza bat epaiketaren hasieran izan dira.
Hauek dira Estatu Batuetara joandako senatari eta diputatuak: Maria Rosa Vindel Lopez senataria (Talde Popularra), Maria Jose Fernandez Muñoz senataria (Talde Sozialista), Joan Comorera Estarellas senataria (Unidos Podemos-En Comú Podem-En Marea), Jordi Martí Deulofeu (ERC), Jose María Cazalis Eiguren (EAJ), Josep Lluis Cleries i Gonzalez senataria (Talde Nazionalista), Jon Iñarritu Garcia senataria (Talde Mixtoa), Alfonso Cuenca Miranda Kongresuko abokatua eta Rosa Orozco Santiago idazkaria.
Diputatuen Kongresuaren izenean, Francisco Molinero Hoyos Justizia Batzordeko lehen presidenteordea eta Isabel Revuelta de Rojas batzordeko abokatua.
Halaber, Jack Tuter epailearekin elkartuko dira eta, ondoren, Pablo Ibarri bisita egingo diote espetxean.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.