Sarean erosketak modu seguruan egiteko aholkuak
"Black Friday" egunari eta Gabonetako kanpainari begira, Ertzaintzak segurtasun neurriak areagotzea gomendatzen die erosketak sarean egiteko ohitura duten herritarrei. Engainu edo iruzurrak saihesteko, besteak beste, helbidean https eta giltzarrapoa duten webguneetan erostea edota beste erosleen iruzkinak irakurtzea aholkatzen du Ertzaintzak.
Gero eta ohikoagoa da erosketak online egitea, eta iruzurren kopurua ere gora egiten ari da. Hori dela eta, Ertzaintzak gomendioak eman ditu.
Erosi aurretik
Eskaintza erakargarriegia baldin bada, ez fidatu, webgunea bera iruzurra izan daiteke.
Saltzailea nor den ikertu. Egiaztatu sareko saltokia segurua den ala ez eta saltzaileak datu pertsonalen tratamenduari buruzko informaziorik ematen duen. Kokapena non duen eta sareko saltokiaren arduraduna nor den zehaztu behar du.
Konfiantza zigiluak dituzten saltokiek berme hobeak eskaintzen dituzte.
Berrikusi bezeroen iruzkinak, bai webgune horretan bertan eta baita kanpoan ere. Kontrastatu informazioa.
Webgunea fidagarria iruditzen den kasuetan soilik erosi.
Erosketa egiterakoan
Ez erabili ordenagailu publikoak, ezta seguruak ez diren sare publikoak ere.
Egiaztatu nabigatzaileko helbidea zuzena den ala ez eta egiaztatu ez dutela faltsutu. Halaber, begiratu helbidean https eta giltzarrapoa ote dituen.
Posible bada, txartel bakarra erabili Interneten erosketak egiteko.
Tentu handiz aukeratu ordaintzeko modua. Aukera onena, produktua jasotzean ordaintzea.
Erosketa egin eta hurrengo 14 egunetan posible da inolako azalpenik eman gabe itzulketa eskatzea.
Segurtasun neurri orokorrak
Babestu gailu elektronikoak (antibirusekin eta dena delakoekin) eta Interneteko nabigatzailea eguneratuta izan.
Albiste gehiago gizartea
Oscar Guerrero (Israel-Premier Tech): "Zilegi iruditzen zait jendeak protestatzea, baina errespetuz"
Palestinaren aldeko manifestari batzuek eten egin zuten Israel-Premier Tech txirrindularitza taldearen lasterketa, La Vueltako erlojupeko betean.
Elgarresta, Bakioko jaietan gaueko ekitaldiak kentzeari buruz: “Prebentzioaren dimentsiotik ez da ulertzen eta ez dugu zuzen ikusten”
Bakioko Udalak abuztuaren 29aren gaueko ekitaldiak bertan behera utzi ditu, “indarkeria areagotu” egin dela argudiatuta. Miren Elgarresta Emakunderen zuzendariak uste du eraso sexistak erdigunean jartzea positiboa dela, baina ez dago ados erabakiarekin. “Emakumeek espazio publikoa okupatu” behar dutela dio, “baldintza berdinekin eta segurtasun osoz”.
Suaren bilakaera hobetzen ari da, baina foku batzuk aurrera doaz eta erreprodukzioak sortzen ari dira
13 sute egoera operatiboan daude oraindik, gehienak Gaztela eta Leonen. Datozen orduetan espero diren baldintza meteorologikoak onuragarriak izango dira horiek kontrolatzeko eta itzaltzeko.
Trafiko-murrizketa ugari Bilbon irailaren 2an eta 3an, Vueltaren etapa dela eta
Trafiko murrizketa nabarienak Enekuri-Artxanda errepidean, Diego Lopez de Haro kalean, Sabino Aranan eta Euskalduna zubian izango dira. Kasuak kasu, murrizketak asteartean hasiko dira.
Kamioilari bat hil da Erriberrin, ibilgailua iraulita
Istripua goizaldeko 04:00ak aldera gertatu da AP-15 errepidean, Iruñerako noranzkoan.
Herri gehiago ebakuatu dituzte Gaztela eta Leonen eta Asturiasen; Galizian, berriz, hobera egin du egoerak
Udako sute-bolada hasi zenetik, 34.000 pertsona inguru atera dituzte etxetik, eta piztutako 268 suteek 413.992 hektarea kiskali dituzte. Gainera, 48 pertsona atxilotu dituzte, suteak piztu dituztelakoan.
Olatuen ikuskizunak dozenaka pertsona erakarri ditu Donostiako Pasealeku Berrira
Euskalmetek abisu horia ezarri du gaur, itsasaldeko arriskuagatik. Ondorioz, Donostiako Udalak itxi egin du Santa Klara uhartea, eta debekatu egin die ibilgailuei Pasealeku Berrira sartzea. Hala ere, donostiar eta bisitari askok olatuen ikuskizunaz gozatu nahi izan dute, eta bat baino gehiago blai-blai eginda joan da etxera.
Gizon bat atxilotu dute Gasteizen bikotekideari erasotzea egotzita
Ustezko erasotzaileak kaletik jarraitu zion emakumeari, eta hainbat herritarrek babestu behar izan zuten, Udaltzaingoa iritsi zen arte.
Nafarroak 118 adingabe hartuko ditu urtebeteko epean, dagoeneko "tentsionatuta" dagoen erkidegoa bada ere
Ministroen Kontseiluak onartutako dekretuak ezarri du 100.000 biztanleko 32,6 adingabe artatuko dituztela. Euskadik eta Kataluniak ez lukete harrerako gazterik hartu beharko, orain arte "egindako ahaleginagatik".
Osakidetzak itzultzaile neuronal bat erabiliko du euskaraz egindako kontsulten informazio idatzia gaztelaniara itzultzeko
Tresna horri esker, profesionalek informazioa euskaraz sartu ahal izango dute pazienteen historialean, eta elebidunak ez direnek "interpretazio arazorik gabe" eskuratu ahal izango dute.