Dozenaka arma topatu dituzte Bilboko etxebizitza batean
Ertzaintzak armategi bat topatu zuen igandean Bilboko Ibarrekolanda auzoko etxebizitza batean, Eusko Jaurlaritzako Segurtasun Sailak eitb.eus-i baieztatu dionez. Atzemandakoaren artean, 25 arma labur, bost luze, 23 arma zuri eta 13 objektu arriskutsu daude. Armen jabea, 57 urteko gizon bat, Basurtuko Ospitalean dago.
Armok kasualitatez topatu zituen Ertzaintzak. Gizonaren senitarteko batek larrialdietara deitu zuen igandean, 17:50ean, etxebizitzan istilu bat jazo zela esanez eta laguntza eskatuz. Bertaratutako agenteek gizona lasaitu zuten, eta Basurtuko Ospitalera eraman zuten ondoren. Bertan dago oraindik.
Etxebizitza armaz beteta zegoela ikusita, agenteek miaketa egin zuten, eta honakoak topatu eta atxiki zituzten: 25 arma labur (pistolak, errebolberrak...), bost arma luze, kargadoreak, 23 arma zuri (labanak, matxeteak, katanak...), arriskutsuak izan daitezkeen 13 objektu (bateak, makilak...) eta balen aurkako txaleko bat. Muniziorik ez omen zuten aurkitu.
Armak Ertzaintzaren Polizia Zientifikoaren Alorraren esku utzi zituzten, aztertzeko. Hala, ikerketa abiatu dute gizonak armak izateko baimena ote zuen, nola eskuratu zituen eta erabiltzeko prest ote zeuden zehazteko.
Zure interesekoa izan daiteke
Gaur egingo da Irunen Eneko Arrastuaren aldeko hileta-elizkizuna
48 urteko mendizalea joan den astelehenean hil zen Panticosan, elur-jausi batek harrapatuta.
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean. Alarguna VioGén sisteman (Genero Indarkeria Kasuen Jarraipen Integralerako Sistema) agertu zen 2012an.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.