700 milioi umek indarkeria, abusuak eta esplotazioa jasaten dute munduan
700 milioi umeri baino gehiagori euren eskubideak urratzen dizkiete egunero, Save The Children gobernuz kanpoko erakundeak Giza Eskubideen Nazioarteko Egunaren harira egindako "Lapurtutako haurtzaroa" txostenaren arabera.
Txostenak azaleratu duenez, mundu osoko haurren % 25ek ezin dute euren haurtzaroaz gozatu, gerra pairatu behar dute, ezin dira eskolara joan, eta indarkeriaren, gehiegikerien edota esplotazioaren biktima dira.
Gerra eremuetan "seguruak" diren guneetan ere neska-mutikoak hiltzen dira egunero. Sirian, berbarako, etxeak, ikastetxeak eta ospitaleak bonbardatzen dituzte. Siriako eskoletan 650 eraso izan dira zazpi urte hauetan. Horrela, hiru milioi haurrek bonbak eta indarkeria baino ez dute ezagutzen.
"Haurrak gerren helburu eta tresna gisa erabiltzeari utzi behar diogu lehenbailehen. Eskolak errespetatu behar dituzte, eta umeentzat toki seguru bilakatu behar dira", adierazi du Andres Conde Save The Childreneko idazkari nagusiak.
Yemenen, 120.000 haur daude eguneroko elikagai beharrak ase gabe, eta bost urte baino gutxiagoko 85.000 ume hilda egon litezke goseak edo gaixotasunak jota.
Umetxo bat, Yemenen.
El Salvadorren, Hondurasen eta Guatemalan gatazka armatu baten pareko indarkeria pairatzen dute haurrek. Hala, AEBra karabana batzuetan joaten dira asko, bakarrik. Marek eta gaizkile taldeek umeak, batez ere mutilak, errekrutatzen dituzte delinkuentzian aritzeko. Neskak sexu-abusuen, indarkeria matxistaren edo gizaki salerosketaren biktima dira.
Zazpi segundoan behin, neskato bat ezkontzera behartzen dute
Neskek biktimizazio bikoitza jasaten dute, adinagatik eta generoagatik. Urtero 15 milioi neska ezkontzera derrigortzen dituzte, hau da, zazpi segundoan behin behartutako ezkontza bat egoten da. Neskoi haurtzaroa lapurtzen diete, indarkeria sexual eta fisikoaren arriskupean jarrita. Gainera, eskolara joateko eskubidea urratzen diete.
Hainbat herrialdetan egindako giza eskubideen urraketek historiako desplazamendu handienak eragin dituzte. 16 hilabete eskasetan, munduko errefuxiatu kanpaleku handiena osatu da Bangladesh hegoaldean, Cox's Bazarren, alegia. Save The Childrenen arabera, 400.000 adingabe daude han, muturreko ahultasun egoera batean.
Azkenik, Espainia ere kritikatu du gobernuz kanpoko erakundeak. Izan ere, gogorarazi duenez, Gobernuak zegozkion 17.337 errefuxiatuetatik 2.892ri bakarrik egin die harrera.
Zure interesekoa izan daiteke
Emakume bat oso larri zauritu da N-121 errepidean, Bardean, auto batek eta kamioi batek elkar jota
Talkaren ondorioz, kamioia erabat erre da, baina gidaria ibilgailutik atera ahal izan da eta onik atera da. Autoko gidaria, aldiz, 32 urteko Tuterako bizilaguna, autoan harrapatuta geratu da eta suhiltzaileek askatu behar izan dute, 112-SOS-Nafarroak jakinarazi duenez.
Leonardo borraskak gutxienez 7 zauritu, desagertutako emakume bat, Grazaleman (Cadiz) husteak eta gainezka egindako ibaiak utzi ditu
Pasa den astelehenean Leonardo borraska Andaluziara iritsi zenetik, larrialdi zerbitzuek 2.231 intzidentzia baino gehiago kudeatu dituzte, eta Malagako Sayalonga udalerrian ibaira erori zen emakumearen bila jarraitzen dute. Egoera larriena Cadizen gertatzen ari da.
EHE-ko lau ekintzaile Baionako auzitegitik bota dituzte, euskaraz deklaratzen saiatzeagatik
Eraikin ofizial batean “Euskaraz bizi nahi dugu” leloa margotzeagatik auzipetuta daude lau lagunak eta gaur, epaiketan, euskaraz deklaratzeko eskubidea ukatu zaie, epaiketa bera “euskaldunok jasan behar ditugun eskubide urraketen beste adibide argi bat” bilakatu delarik, EHEren hitzetan.
Grazalema ur-jauziz inguratuta erakusten dute airetik hartutako irudi ikusgarriek
Azken orduotako euriteen ondorioz, metro karratuko 700 litro ur pilatu da Grazaleman (Cadiz). Guardia Zibilak airetik hartutako bideo honetan, herri oso bat ur-jauziz inguratuta ikus daiteke. Agintariek herria husteko agindua eman dute —1.500 herritar inguru—, badaezpada, uholdeek eragin ditzaketen kalteak direla eta.
Dei komertzialek 9 digituko zenbakiak erabiliko dituzte 400 aurrizkiarekin
Gainera, bezeroaren arretarako deiak soilik horretarako berariaz esleitutako zenbaki laburretatik, doako tarteetatik (800 eta 900) edo zenbaki geografikoetatik egin ahal izango dira.
Grazalematik alde egiteko agindua eman dute: Ura entxufeetatik eta etxeak ibai bihurtuta Leonardo borraskaren eraginez
Leonardo borraskak Andaluzia kolpatzen jarraitzen du, eta eguraldi iragarpenaren arabera, giro ezegonkorrak segida izango du asteburuan ere. Izan ere, Grazalemako etxebizitza askotan ura entxufeetatik atera da.
Hainbat kilometroko auto-ilarak Avanzadan, Leioa parean, hainbat ibilgailuk talka egin ostean
Trafiko-istripu batek zirkulazio-arazo handiak eragin ditu BI-637 errepidean, Avanzada tartean, Leioa parean, Erandiorako bidean.
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".