Ipar-mendebaldeko haizea tarteko, 'nekez' iritsiko da hodei toxikoa Nafarroara
Datozen orduetarako (gutxienez 18:00ak arte) espero den ipar-mendebaldeko haizea tarteko, Errioxan sortu den hodei toxikoa nekez iritsiko da Nafarroara. Calahorra inguruan piztu da sua goizaldean, Pradejon udalerriko birziklatze planta zahar batean eta horrek eragin du hodei toxikoa. Foruzaingoaren arabera, oraingoz ez dirudi Nafarroari eragingo dionik, eta lasaitasun mezua zabaldu du.
Nafarroako Gobernuak suhiltzaileen lehen txostena aipatuz adierazi duenez, hodeiaren toxikotasuna baxua da, eta, beraz, ez da beharrezkoa herritar arruntek inolako neurri berezirik hartzea. Arnasa hartzeko arazoak dituztenek, berriz, kontu handiagoa izan beharko dute.
Sute horren ondorioz, San Adrian, Azagra eta Andosilla udalerriak alerta egoeran daude, badaezpada. Nafarroako Gobernuak, bere aldetik, suhiltzaileak, foruzainak eta helikoptero bat bidali ditu San Adrian ingurura, sutearen nondik norakoak bertatik bertara jarraitzera.
Nafarroako Larrialdi Zerbitzuak Errioxako agintariekin eta Erriberako alkateekin harremanetan daude, horren jarraipena egiten.
Goizaldeko hirurak aldera piztu da sua Calahorratik gertu, Pradejon udalerriko birziklatze planta zahar batean.
Lantegiko patioan pilatutako alpaka pila batean hasi da sua, eta lau metroko altuerako garrak eragin ditu. Gainera, oso urrundik ikus daitekeen lainoa sortu da.
Suhiltzaileak lanean ari badira ere, sua itzaltzeko lanek luze jo dezakete. Hori dela eta, arnasa hartzeko arazoak dituzten pertsonei neurriak hartzeko eskatu diete, eta leihoak ez irekitzeko gomendatu diete inguruko bizilagunei.
Argazkia: SOS Rioja
Nafarroako Gobernuko Babes Zibileko Zerbitzuak San Adrian, Azagra eta Andosillako alkateak ohartarazi ditu, horizontalki mugitzen ari den hodei horrek udalerri horietan izan lezakeen eraginagatik.
Zure interesekoa izan daiteke
Gutxienez 8 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez zortzi kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.