2 urte eta 3 hilabeteko zigorra Cabezudorentzat, Justiziari oztopo egitea egotzita
Donostiako epaitegi batek bi urte eta hiru hilabeteko kartzela-zigorra ezarri dio Kote Cabezudo argazkilari donostiarrari, Justiziari oztopo egitea egotzita. Argazkilaria behin-behineko espetxean dago, bere modelo batzuen kontrako sexu-delituak leporatuta, epaiketaren zain.
Cabezudoren kontra Donostiako epaitegi batean dagoen kausa nagusitik berezitako atal bati dagokio epai hau. Izan ere, modeloei egindako abusuak, iruzurra, sexu-abusua eta haur-pornografia egotzi dizkiote, besteak beste.
Asteazken honetan, bi urte eta hiru hilabeteko kartzela-zigorraz gain, epaileak 5.040 euroko isuna ezarri dio argazkilariari. Halaber, biktimari 8.000 euroko kalte-ordaina eman beharko dio Cabezudok, haren kontra deklaratu ez zezan hura biluzik agertzen den argazki bat sare sozialetan jarri zuelako.
Epaiaren arabera, argazkilari donostiarraren aurkako auzi nagusian lekuko gisa aurkeztu ostean zabaldu zuen Cabezudok argazkia, sare sozial bateko kontu pertsonalean. Argazki horretan, modeloaren gorputza pixelatuta agertzen zen, baina neska hori nor zen igarri zitekeen haren aurpegia ikusita.
Epailearen iritziz, ekintza horren bitartez emakumea "ikaratu eta beldurtzeko asmoa" zuen Cabezudok, lekukoaren adierazpenean nolabaiteko eragina izateko. Izan ere, modeloa biluzik agertzen zen argazki gehiago zituen argazkilariak, eta horiek baimenik gabe zabaltzeko arriskua ikusita oso kezkatuta zegoen lekukoa.
2016an, lekukoa artatu behar izan zuten, kezka horrek loari eragiten ziolako eta lanean estres handia bizi zuelako. Urtebete geroago, egoera horrek sortutako antsietatearen eraginez, egoera emozionalen gorabeherak eta autoestimu baxua estimatu zituen medikuak modeloarengan.
Epai horren aurrean, Gipuzkoako Probintzia Auzitegian apelazio helegitea jarriko duela aurreratu du Cabezudoren defentsak
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.