Gero eta sute gutxiago Kantabrian
Astelehen honetan sute kopuruak behera egin du Kantabrian. Euriak eta sua itzaltzeko lanek lagundu dute. Kantabriako Gobernuak egitasmo berezia bertan behera utzi du, eta Larrialdietarako Unitate Militarra (UME) alde egiten hasi da.
Hala ere, alerta maila gorena mantenduko du erkidegoak. Horrela, piztuta diren suteen bilakaera gertutik jarraituko dute, baita iragarpen meteorologikoak ere, eta erkidegoko baliabideek sua itzaltzeko lanean jarraituko dute.
Eguraldiak hobera egin du; izan ere, tenperatura maximoek behera egin dute, hezetasunak gora egin du eta haizearen norabidea aldatu da iparraldera eta ekialdera; azken egunetan piztutako sute gehienak itzali dituzte; etxebizitza eta azpiegituretarako arriskuak behera egin du, eta erkidegoak egungo egoerari aurre egiteko baliabide propioak ditu. Horregatik, UMEko 226 soldaduek eta 58 ibilgailuek alde egingo dute.
Bertako Gobernuak 19:55 aldera emandako azken datuaren arabera, bost sutek piztuta jarraitzen dute Kantabrian, guztiak toki garaietan eta malkartsuetan, etxebizitzetatik urrun. Astelehen honetan guztiak kontrolpean geratzea espero dute.
Guardia Zibilak bi gizonezko atxilotu ditu gertakariekin zerikusia dutelakoan. Bata El Tojo herrian atzeman dute, eta bestea, San Roque del Rio Mieran.
Lehen atxilotua, 35 urteko gizonezkoa, larunbatean harrapatu zuten Saja mendiko magalean, "oraindik bero" zegoen pizgailu bat eskuan zuela. Bestea herritarren laguntzari esker atxilotu dute.
Revilla: "Piromanoa salatu egin behar da"
Hain justu, herritarrei laguntza eskatu die Miguel Angel Revilla Kantabriako presidenteak suteak piztu dituztenak atxilotzeko. Baieztatu duenez, bi pertsona atxilotu dituzte, eta epailearen aurrera noiz eraman zain daude.
"Bizilagunak polizia bihurtu behar dira: piromanoa salatu egin behar da. Piromano bat ezkutatzea ez da elkartasuna. Salatu egin behar dugu: pagadi edo harizti bat erretzen den bakoitzean hondamendia da", adierazi du Cadena Ser irrati katean egin dioten elkarrizketa batean.
Guardia zibil bat suak hartutako leku batean. Argazkia: EFE
Ostegunetik, 160 sute
Ostegunean hasi zen sute oldea. Ordudanik 160 sute izan dira probintzian, batez ere lurraldearen erdialdean. Eguraldiak ez du mesede handirik egin, giro lehorrak eta hego haizeak suari lagundu baitiote. Zorionez, baso sute horiek ez daude jendea bizi den lekuetatik hurbil.
Igandean Baso Suteen Plan Bereziaren 2. maila jarri zuen martxan Kantabriako Gobernuak, eta Larrialdietako Unitate Militarrari laguntza eskatzea ebatzi zuen.
Suteek sastraka guneak erre dituzte, baina baita basoak ere, tartean haritzekin landatutako eremuak.
700 pertsona daude suaren kontrako borrokan lanean: Kantabriako Gobernuko baso langileak, suhiltzaileak eta boluntarioak. Horrez gain, bi ur-hegazkin, hiru helikoptero eta hainbat autoponpa erabiltzen ari dira.
Zure interesekoa izan daiteke
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Goiz gorabeheratsua A-8an: ilarak Biriatun, eta auto-pilaketak Kantabriarako noranzkoan, Ezkerraldetik
Zubiaren hasieran trafiko-eragozpenak izaten ari dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.