Udaberriak 92 egun eta 18 ordu izango ditu
Asteazken honetan, 22:58an, sartu gara udaberrian. Urtaro berriak 92 egun eta 18 ordu izango ditu, ekainaren 21era arte. Udaberria heldu eta ordu gutxira, urtaro horretako lehen ilbetea egongo da.
Gainera, argi orduek egunean hiru minutu gehiago iraungo dute, eta martxoaren 30etik 31ra doan gauean ordu aldaketa izango da. Hain zuzen ere, 02:00etan 03:00ak izango dira.
Astronomia Behatoki Nazionalaren arabera, baliteke 2019ko martxoan azkenekoz aldatzea ordua Europar Batasunean. Halere, herrialde bakoitzak ordu-eremua hautatzeko aukera izango du, udaberriko ala udazkeneko ordutegiaren alde eginda.
Esan bezala, martxoaren 21ean helduko da udaberriko lehen ilbetea. Apirilaren 19an, maiatzaren 18an eta ekainaren 17an ere ilargi betea izango da. Ilberria, berriz, apirilaren 5ean, maiatzaren 5ean eta ekainaren 3an izango da.
Planetei dagokienez, udaberriko egunsentietan Artizarra, Saturno eta Jupiter nagusituko dira; ilunabarretan, aldiz, Marte.
Ozar-izarrek ere izango dute lekurik udaberrian. Apirilaren 22an, esaterako, Liridak iritsiko dira, eta maiatzaren 6an Akuariidak.
Urtaroen hasierek bat egin ohi dute Lurrak Eguzkiaren inguruko orbitan leku jakin bat hartzen duen unearekin. Udaberrian, adibidez, Eguzkiaren erdiguneak, Lurretik ikusita, zeru-ekuatorea zeharkatzen du, iparralderako noranzkoan.
Hori gertatzen denean, egunak eta gauak antzeko iraupena izaten dute. Horregatik, udaberriko ekinokzioa deitzen zaio fenomeno horri.
Asko jota, hiru egunetan gerta daiteke ekinokzioa: martxoaren 19an, 20an edo 21ean. 2096an izango du udaberriak hasiera goiztiarrena, eta 2003an izan zuen berantiarrena.
Albiste gehiago gizartea
Gidabaimena 17 urtetik aurrera atera ahal izango da
Hori bai, esperientzia duen heldu batekin joan beharko dute adinez nagusi izan arte. Europak gaur onartu du gidabaimenen inguruko araudi berria, eta adinarena da aldaketa nagusienetako bat. Orain, estatu kideek hiru urtera arteko epea izango dute, bakoitzak bere legedira egokitzeko.
Tim Atkin ardoaren 'influencer'-a Remelluri upategian dago dastaketa esklusibo batean
Sare sozialetan arrakasta handia duen adituak Arabako Errioxako 140 upeltegi zeharkatuko ditu, urteko txosten entzutetsua egiteko. Txosten horretan oinarritzen dira upategi eta kontsumitzaile asko nora joan edota zer erosi erabakitzeko garaian.
Zientzia Asteak bere 25. urteurrena ospatuko du, adin guztientzako doako 200 jarduerarekin
Urriaren 22an irekiko da EAEko hiru hiriburuetako eta Barakaldoko tailer eta ibilbide didaktikoetan izena emateko epea.
Mohamedek Erandioko bizilagunen babesa eta elkartasuna jaso du
Mohamed Dien senegaldarra lapurreta baten biktima izan zen joan den urriaren 9an. Bi emakumek, bankutik atera berri zituen eta Afrikako familiari bidali behar zizkion, 3500 euro lapurtu zizkioten. Erandioko bizilagunak diru-bilketa bat egiten ari dira Mohamedi laguntzeko.
Gripearen aurkako txertoa hartzeko deia egin du Osakidetzak, kutsatzeen kurba aurreratu daitekeela ohartarazita
Osasun Sailak jakinarazi duenez, azken asteotan gripe kasuen "gorakada nabarmena" atzeman dute, bereziki, Bizkaian, eta horrek "kurba epidemiologikoa aurreratu daitekeela iradokitzen du".
Euskadiko hiriburuak Gabonetarako prestatzen hasi dira
Bi hilabete eta hiru egun geratzen dira Gabonetarako, baina euskal hiriburuak hasiak dira jada Gabonetako apaingarriekin kaleak atontzen. Gasteizen Floridako Jaiotza jartzen ari dira, eta gainerako hiriburuetan, argiak eta Gabonetako zuhaitzak.
Hernanin ez da Errege Kabalgatarik izango 2026an, 25 urtean aurrenekoz
Orain arte Berriak udalerriko Merkatarien Elkartearen laguntzarekin ekitaldia antolatzen zuen boluntario taldeak, "etapa honi amaiera ematea" erabaki du ezinezko ikusten duelako tradizioarekin jarraitu ahal izatea "egungo baldintzetan".
EAEn eta beste erkidego batzuetan droga banatzen zuen talde kriminal bat desegin dute
Gainera, 600 kilo haxix, 1,5 kilo kokaina eta 12 ibilgailu atzeman dituzte. Horietatik bostek segurtasun-sistema oso konplexuak zituzten. Erakundea Madrilen eta Toledon zegoen finkatuta eta Estatu osoan banatzen zuen droga, bereziki EAEn, Errioxan, Gaztela eta Leonen eta Asturiasen.
Tinder ligatzeko aplikazioa, euskaraz eskuragarri
Jendea ezagutzeko eta ligatzeko aplikazio ezagunak 60 hizkuntzatan ematen du zerbitzua, horien artean, euskara, katalana eta galegoa.
Bi lagun atxilotu dituzte, Tuteran besarkadaren metodoa erabiliz lapurreta egiteagatik
Katalunian bizi diren 24 eta 25 urteko gizon-emakume bana atxilotu dute Errioxan, hainbat delitu leporatuta; besteak beste, Tuteran (Nafarroa) eta Errioxako hainbat herritan besarkadaren metodoaren bidez bost lapurreta egitea, Kantabrian indarrezko lapurreta-saiakera bat egitea, eta etxe batean indarrez sartzea.