Basauriko entrenatzaile ohiaren biktimen testigantzak bildu dituzte dokumental batean
Basauriko futbol entrenatzaile ohi batek adin txikikoei egindako sexu abusuen inguruko dokumentalaren lehen atala estreinatu zuten, bart, Geuria.eus Hego Uribeko hedabidearen atarian.
Hiru buruko munstroa dokumentalak hiru atal ditu, lehendabiziko atala da atzo erakutsitakoa, eta biktimen eta abusuen berri zuten basauriarren lekukotzak jasotzen ditu. Hainbat gizonek lehen atal horretan azaldu dutenez, entrenatzaile ohiak haurrak bere etxera gonbidatzen zituen eta bideo pornografikoak jartzen zizkien. Gaineratu dutenez, entrenatzailea aldagela barruan gelditzen zen haurrak aldatzen ziren bitartean, besteak beste, barruko arropa nola janzten zuten ikusteko.
Bien bitartean, aipaturiko gizonak entrenatzaile gisa jardun zuen Basauriko futbol eskolak haren kontrako frogarik ez zegoela ziurtatu du. Bideoan kirol elkarte horretako arduradun batek onartu duenez, "zurrumurruak" egon bazeuden, baina ez bere aurka egiteko "frogarik".
Pepe Godoy basauriarra izan zen entrenatzaile ohiaren aurkako salaketa jartzen lehena duela bi urte. Dena dela, abusuak preskribatuta daude duela 30 urte baino gehiago gertatu zirelako.
2018ko abendutik gaur arte entrenatzaile ohiaren aurkako zazpi salaketa izan dira.
Ertzaintzak iragan martxoaren 12an 60 urteko gizona atxilotu zuen, sexu abusu delitua leporatuta, egun adin txikikoa den baten familiak jarritako salaketaren ondotik. Epailearen aurretik igaro ostean, aske gelditu zen, karguekin eta epaiketaren zain.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.