Zulo beltz baten lehen irudia aurkeztu dute zientzialariek
Event Horizon Telescope proiektuak zulo beltz baten lehen irudia aurkeztu du asteazken honetan. Hain zuzen ere, Mesier 87 galaxiaren erdigunean dagoen batena. 55 milioi argi urtera dago.
"Argazkiaren ezaugarriek bat egiten dute teoriarekin", aitortu dute zientzialariek, nazioarteko aurkezpenean.
Irudia eraztun distiratsu bat da, gorri kolorekoa. Zulo beltzaren inguruan dagoen grabitate indartsuak “tolestutako” argia da ikus daitekeena.
Zientzialariek luze zeramaten zulo beltz baten irudia lortzen saiatzen, existitu egiten direla frogatu ahal izateko. Orain, beraz, bide berria ireki da zientzian, zuloon eta grabitatearen ikerketarako.
Zulo beltzak objektu kosmiko ezohikoak dira. Euren masak erraldoiak dira, baina tamainak, aldiz, oso konpaktuak dira. Euren ingurua, gainera, deformatuta dago, zuloak eragin zuzena baitu espazio-denboran.
"Erregio distiratsu batean murgilduz gero, gasezko disko distiratsu batean, esaterako, zulo beltz batek itzal baten moduko erregio bat sortuko duela uste dugu, Einsteinen erlatibitatearen teoriak aurreikusi zuen bezala, baina inoiz ikusi ez duguna”, azaldu du Heino Falcke Event Horizon Telescope proiektuaren kontseilu zientifikoko presidenteak.
“Itzala inklinazio grabitazionalak eta horizonteko argiak sortzen dute. Itzal horrek M87 zulo beltzaren masaren tamaina neurtzea ahalbidetu digu”, erants du.
Kalibraketa eta irudi metodo anitzen bidez, erdigune beltza duen eraztun itxurako egitura antzeman dute. Zulo beltzaren itzalaren hainbat behaketa independente egin ditu zientzialari taldeak.
“Zulo beltzaren itzalari argazkia atera geniola egiaztatu genuenean, gure behaketak eredu informatikoekin alderatu genituen. Irudiaren ezaugarriak eta gure teoriak bat datozela ikusi dugu”, adierazi du Paul T.P. Ho ikertzaileak eta Event Horizon Telescope proiektuko batzordeko kideak eta East Asian behatokiko zuzendariak.
“Egindako behaketatik ateratako ondorioak, tartean zulo beltzaren masari buruzkoak, zuzenak direla pentsatzeko moduan gaude orain”, erantsi du.
Lurraren tamainako teleskopio birtuala
Event Horizon Telescope zulo beltzaren irudiak hartzeko diseinatutako teleskopio berezia da. Munduko teleskopioak konektatzen ditu eta, hala, Lurraren tamainako teleskopio birtuala bilakatzen da, aurrekaririk gabeko bereizmeneko irudiak hartzeko gaitasuna duelarik.
Teleskopio hori nazioarteko elkarlanaren ondorioa da. Unibertsoaren muturrean dauden objektuak ikertzeko aukera eskaintzen die zientzialariei.
Event Horizon teleskopioa eraikitzeko munduko zortzi teleskopio eguneratzea eta elkarri konektatzea ezinbestekoa izan zen. Teleskopio horiek Hawaiin, Mexikon, Estatu Batuetan (Arizona), Espainian (Sierra Nevada), Txilen (Atacama basamortua), Groenlandian eta Antartidan daude.
Event Horizon teleskopioak interferometria izeneko teknika bat erabiltzen du behaketak egiteko. Munduko instalazio ezberdinetan dauden teleskopioak sinkronizatzen ditu eta, gure planetaren biraketa baliatuta, Lurraren tamainako teleskopio bilakatzen da.
Interferometriari esker, 20 mikroarkusegundoko bereizmena lortzen du. Hau da, Parisko kafetegi batetik New Yorken dagoen egunkari bat irakurtzeko aukera ematen du.
Hau guztia ahalbidetu duten teleskopioak hauek dira: ALMA, APEX, IRAM, James Clerk Maxwell, Large Millimeter Telescope Alfonso Serrano, Subilmillimeter Array, Subillimeter Telescope eta South Pole Telescope.
Teleskopio bakoitzak jasotako informazioa prozesatzeko goi-mailako super-konputagailuak erabili zituzten.
Zientzialari donostiar bat, aurkikuntzaren atzean
Zulo beltz baten lehen argazkia lortu duen nazioarteko zientzialarien artean Antxon Alberdi donostiarra dago. Andaluziako Astrofisika Institutuko zuzendaria da Alberdi.
Ezagutza zientifikoari dagokionez, lorpen "izugarria" izan dela azpimarratu du.
"Liburuetan eta entziklopedietan idatzita geratuko da hau", erantsi du.
Albiste gehiago gizartea
1936an Valcalderan fusilatu zituztenei omenaldia Iruñean eta Cadreitan
Frankistek hildako 51 errepublikano horien senideak eta ordezkari politikoak berriro elkartu dira sarraskiaren 89. urteurrenean omenaldia egiteko. Iruñeko errepublikanismoaren eta sindikalismoaren intelektualak eta buruzagi nabarmenak ziren.
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.