Jaurlaritzak 35 milioi euro bideratuko ditu kontziliaziorako laguntzak finantzatzeko
Familia eta lana uztartzeko programaren dirulaguntzak onartu ditu gaur Eusko Jaurlaritzak. Guztira, 35 milioi euro bideratuko dituzte kontziliaziorako.
Josu Erkoreka Eusko Jaurlaritzako bozeramaileak gobernu bileraren osteko prentsaurrekoan azaldu duenez, hiru dira honako arrazoi hauengatik eszedentzia edo lanaldi murrizketa egoeran dauden gurasoentzat onartutako laguntzak: seme-alabak zaintzeko, mendekotasun-egoeran edota osasun-arloko muturreko larritasun-egoeran dauden familiartekoak zaintzeko. Horrez gain, laguntza-deialdia zabaldu dutela erantsi du, familiek egoera horietan lagunduko dieten pertsonak kontrata ditzaten.
Laguntzok 2022rako Familiei Laguntza emateko Erakundeen arteko IV. Planaren baitan daude. Hain justu, plan horren barruan, gobernu bileran beste diru partida bat ere onartu du Jaurlaritzak: 34,5 milioi euroko laguntza, seme-alaben jaiotzagatik, adopzioagatik, eta erditze edo adopzio anizkoitzagatik. Laguntzok familia errentaren arabera banatzen dira —400, 500 eta 900 eurokoak dira—, eta "seme-alaba berrien zaintzarekin zerikusia duten beharrizan ekonomikoei erantzuten laguntzea" dute helburu.
"Apurka-apurka, familia proiektuak hasi eta herritarrek nahi dituzten seme-alaba kopurua izateko dituzten zailtasunak ezabatu nahi ditugu", nabarmendu du Erkorekak.
Albiste gehiago gizartea
"Busti Zaitez" esklerosi anizkoitzaren gainean sentsibilizatzeko kanpainak 25 urte bete ditu
Esklerosi anizkoitza duten pertsonei elkartasuna adierazteko eta euren errehabilitazio-zentroetarako dirua biltzeko helburuz, ehunka pertsona "bustitu" dira Getxoko Ereaga hondartzan.
Eusko Legebiltzarraren 45. urteurrena ospatzeko emanaldi berezia izan da Donostiako Kursaalen
Kontzertu berezia antolatu du Eusko Legebiltzarrak urtemuga ospatzeko. Bakartxo Tejeria lehendakaria buru duen Eusko Legebiltzarreko Mahaia, Imanol Pradales Eusko Jaurlaritzako lehendakaria, sailburuak, diputatuak eta alderdietako ordezkariak izan dira Donostian.
Palestinarekiko elkartasun mezua "esan behar" zuela dio txupinazoko protagonistak
Yala Nafarroa Palestinarekin plataformako ordezkariek "Stop genocide" eta "Free Palestine" oihukatu dute sanferminetako txupinazoan, protokoloa hautsiz. Bat-bateko ekintza horrek ordezkari politikoen erreakzioa ekarri du.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko gizonezko bat da.