'Aita Mari' ontzia giza laguntza banatzen ari 12.000 errefuxiaturen artean, Grezian
SMH Itsas Salbamendu Humanitarioa gobernuz kanpoko elkartearen Aita Mari ontzia giza laguntza banatzen ari da Greziako Kios eta Lesbos (Grezia) uharteetan. Materiala banatutakoan, jarraian Libiara abiatuko da behin horretarako baimena lortzen duenean. Erakundearen esanetan, Italia eta Libia arteko migrazio bidea "munduko hilgarriena da".
Ontzia atzo iritsi zen Lesbosera, Kiosetik igaro ostean, ia astebetez Mediterraneoan barrena ibili ostean. Botikak, arropak eta lehen beharrizaneko produktuak eraman ditu Greziara, Lesbos eta Kios uharteetan baldintza zailetan milaka errefuxiatuen artean banatzeko.
Gobernuz kanpoko erakundeak ohar bidez jakinarazi duenez, 12.000 pertsonak baino gehiagok botikak, osasun eta higiene produktuak, mantak eta arropa jasoko dituzte. Aita Mari ontziak Greziatik Libiara egingo du, baldin eta Italia eta Libia arteko migrazio bidea egiteko Espainiako Gobernuaren baimena eskuratzen badu.
"Zoritxarrez, Gobernuak Mediterraneoan erreskate lanak egiteko blokeatu du gure ontzia. Denbora horretan, 250 pertsona baino gehiago hil dira Europara iritsi nahian ari zirela", adierazi du. Gobernuz kanpoko erakundeak erabaki horren kontrako helegitea aurkeztu du epaitegietan eta Merkataritza Ontzidiaren Zuzendaritzan, baina oraingoz ez du erantzunik jaso.
Bestalde, Open Arms ontzia ere antzeko egoeran dagoela gogoratu du Itsas Salbamendu Humanitarioa gobernuz kanpoko erakundeak. Hain zuzen ere, Open Arms ontzia gaur abiatu da Greziara. Ildo horretan, bidaia ona opatu die Open Armseko lagunei eta Lesbosen berriz elkartuko direnaren itxaropena agertu du.
(Open Arms ontzia Bartzelonako portutik ateratzen. Argazkia: EFE)
Opens Arms, Greziara bidean
Bartzelonako portuan ehun egun blokeatuta egon eta gero, Open Arms ontzia arratsaldeko lehen orduan itsasoratu da Greziako Samos eta Lesbos uhartetara bidean. Migratzaileentzako laguntza humanitarioa darama, baina pertsonak erreskatatzea galarazi egin diote.
20 tona material daramatza barruan, tartean elikagaiak, arropa, higienerako produktuak eta eskolarako materiala.
Apirilaren 17an eskatu zuten itsasoratzeko baimena, baina baldintza bat jarri zioten: Greziako kostalderako bidetik ez atertzea eta migratzaileak bilatzeko eta erreskatatzeko gunean ez sartzea. Gobernuz kanpoko erakunde horretako zuzendari Oscar Campsek "mehatxutzat" jo zuen, hala egin ezean isuna jarriko dietelako.
Gerard Casals Open Arms ontziko operazio buruak esan du bidean larrialdian dagoen pertsonarik topatuz gero, "lagundu egingo diogu, betiko moduan, horixe baitio itsasoko araudiak".
Alabaina, "ibilbidetik ateratzea galarazi digute eta, beraz, ezingo dugu orain arte egindakoa egin", deitoratu du.
Zure interesekoa izan daiteke
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.
Txurdinaga Behekoa Institutuko ikasle eta gurasoek Batxilergo Artistikoa ez kentzeko eskatu diote Hezkuntza Sailari
Begoña Pedrosak zuzentzen duen Hezkuntza Sailak adierazi du batxilergo hori ikasteko aukera bermatzen dela ikasleak Ibarrekolanda eta Bertendonako ikastetxeetan banatuta. Manifestarien esanetan, hezkuntza publikoaren aurkako beste eraso bat da, eta, hori dela eta, elkarrizketarako deia egin diote Eusko Jaurlaritzari.
Martxoaren 1ean Valtierran izandako zirkulazio-istripuan zauritutako 28 urteko neska hil egin da
Ezbeharra 01:19an gertatu zen, N-121 errepideko 72,28 kilometroan, Los Abetos jatetxearen bidegurutzean, bi gazte zihoazen autoa bidetik atera eta ezponda baten aurka talka egin zuenean. 20 urteko beste gazte bat ere zauritu zen ezbeharrean.
Santanderko istripua jazo aurretik 112ra deitu zuen gizona: "Behar bezala jardun izan balitz, ezbeharra saihestuko zen"
Zubiaren egoeraz ohartarazi zuen Santanderko bizilagunaren ustez, tragedia saihestuko zen deia jaso ostean jardun izan balitz. Instrukzioa egiten ari den epaileak zubiaren egoera aztertzeko eskatu dio peritu bati.
Ekialde Hurbileko gerraren aurka protesta egin dute Bilbon, eta Gaza ez ahazteko eskatu dute
PararLaGuerra.es herri plataformak protesta egin du gaur Bilbon, bakea eskatzeko, AEBk eta Israelek Iranen aurka hasitako erasoaldia indarrean denean. Halaber, babesa adierazi diote Palestinari.
Bidean da jada Sahararen aldeko elkartasun karabana
Oinarrizko produktuak daramatzan elkartasun karabana goizean abiatu da Donostiatik Saharara. 50 tona produktu eramango dituzte kamioiek. Saharako Errepublika Arabiar Demokratikoaren Lagunen Elkarteak eskerrak eman dizkie bilketan parte hartu duten guztiei.
Pedofilo bat atxilotu dute Gasteizen kautelazko neurriak urratzea egotzita, adingabeei argazkiak ateratzeagatik
Ostegunean atxilotu dute, ikastetxe, haurtzaindegi, haur-parke eta adingabeak biltzen diren beste edozein lekutara hurbiltzeko debekua urratu duela jakin eta gero.