Donostian jipoitutako adin txikikoak hil ala biziko egoeran jarraitzen du
Ostiral goizaldean Donostiako Klub Nautikoaren eta Udaletxearen artean larri zauritu zuten 17 urteko adin txikiko gipuzkoarrak hil ala biziko egoeran jarraitzen du, Donostiako Ospitalean.
Segurtasun Sailak jakitera eman duenez, jipoiarekin zerikusia dutelakoan atxilotutako zazpi gazteek komisarian jarraitzen dute, epailearen aurretik igaro zain. 18 eta 25 urte artean dituzte eta lesio larriak eragitea leporatzen diete.
Ertzaintzak aurrera jarraitzen du zer gertatu zen argitzeko ikerketarekin. Atzo lekuan bertan izan ziren kasua argitzeko aztarna bila. Hainbat komunikabidek zabaldu dutenez, Udaletxeko kamerek grabatu egin zuten erasoa, eta irudiak aztertzen ari dira orain.
Beste bi pertsona ere zauritu ziren gertakarian, larri dagoen gaztearen bi lagun, hain zuzen ere, hari laguntzera joan zirenean. Mediku arreta jaso eta alta eman zieten.
Zure interesekoa izan daiteke
Jaurlaritzak ohi baino bentzeno-maila altuagoa antzeman du Muskizen, Petronorren izandako isuri bat tarteko
Hala eta guztiz ere, osasun publikorako segurutzat jotzen diren mailak direla ohartarazi du Osasun Sailak. Ostiralean izan zen isuria, eta harrezkero enpresa segurtasun neurri zorrotzak aplikatzen ari da, egoera ahalik eta azkarren konpontzeko.
Pertsona bat hil da AP-15 autobidean, Castejonen izandako istripu batean
Horrez gain, autoan zihoan beste pertsona bat zauritu egin da, errepidea bidetik irten eta irauli ostean.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2016an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
4 graduko lurrikara batek Araba astindu du, kalterik eta zauriturik eragin gabe
00:10ean izan da lurrikara eta epizentroa Iruña Okan izan du; milaka pertsona esnatu ditu gaur goizaldean Araban. Ez du kalterik eragin eta ez da erreplikarik espero, SOS Deiaken arabera.
Gutxienez hiru pertsona hil dira Tenerife hegoaldean, itsas kolpe baten ondorioz
Hildakoak lau izan litezke, baina oraindik ez dute baieztatu zenbat diren. Gainera, bihotz-biriketako geldialdia izan duen pertsona bat helikopteroz eraman dute ospitalera, eta beste hiru lagun zauritu dira.
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.
Ireki dute A-15 errepidea Iruñerako noranzkoan, kamioi baten matxuragatik itxita egon ostean
Villabonan kamioi batek matxura izan du, eta errepidea erabat itxi behar izan dute, kamioia erretiratu arte. Zirkulazioa N-I errepidetik bideratu dute.
Donostiako Ospitaleko sukaldean sartu gara: honela prestatzen dituzte otorduak
120 pertsona aritzen dira gosariak, bazkariak eta afariak eltze erraldoietan prestatzen, eta plater bakoitza pazientearen beharretara egokitzen dute. Sukalde bereizi bat dute alergiak eta intolerantziak dituzten gaixoentzat. Logeletatik bueltan datozen erretiluak hustu eta gero, dena garbitzen dute hurrengo otordurako.