Herri-defendatzaileak arrazoia eman dio ‘Aita Mari’ri Gobernuaren blokeoaren aurrean
Herri-defendatzaileak Itsas Salbamendu Humanitarioak Aita Mari salbamendu itsasontziaren blokeoagatik jarritako kexa onartu du, eta Espainiako Gobernuak eskatutako baldintzek Itsas Salbamenduarekin zerikusirik ez dutela azpimarratu du. Horrela, bilaketa eta salbamendu esparruan dagoen salbamendu itsasontzi batek ez duela urbazterreko herrialdeekin (Italiarren eta Maltarekin, kasu) akordiorik sinatzeko beharrik ulertzen da.
Herri-defendatzaileak azpimarratu duenez, “akordiorik ezak eragin ditzakeen atzerapenen eta botere publikoen koordinazio faltaren ondorioak ezin dira salbatzaileen eta salbatuen kalterako izan”.
Era berean, bizitzeko eskubidea nabarmendu du beste guztien gainetik, gainerako giza eskubideak horren gainean eraikitzen baitira (Konstituzioaren 15. Artikulua), baita munduko herrialde guztien arteko lankidetza ere harreman baketsu eta eraginkorretan.
Arartekoak hartutako erabakia Itsas Merkataritzako Zuzendaritza Nagusiko agintariei jakinaraziko diela hitzeman du, salbamenduaren gaineko murrizketa aldatzeko.
Itsas Salbamendu Humanitarioak dioenez, Itsas Merkataritzako Zuzendaritza Nagusiko itsasontziari ezarritako murrizketak eta baldintzak aldatu beharko lituzke, eta Aita Mari itsasontziari lehenbailehen eman itsasoratzeko baimena.
Urtarrilaren 18tik Aita Mari eta Open Arms itsasontziak ezin izan dira itsasoratu. Denbora tarte honetan 543 pertsona ito dira Mediterraneo itsasoan. Gainera, asko Libiara itzularazi dituzte Europar Batasunak lagunduta.
Zure interesekoa izan daiteke
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.