Ehun itsasontzi iritsi dira Getariara, Juan Sebastian Elkanori omenaldia egiteko
Merkataritza, arrantza, armada eta kiroletako ehun bat ontzi irten dira larunbat goiz honetan Getxoko eta Hondarribiko portuetatik Getariara, Juan Sebastian Elkano euskal itsasgizonaren jaioterrira. Izan ere, asteburu honetan nabigazioaren sektoreko arreta gune nagusia izango da herria.
Milaka lagunek omenaldia egingo diete orain 500 urte 'Victoria' nao ontzian munduari lehen itzulia ematea lortu zuten Elkanori eta harekin zihoazen 17 kideei, antolatzaileek nabarmendu dutenez.
‘Elkanoren Zeruertza’ ekimenaren baitan jarduera ugari antolatu dituzte, besteak beste, ehun itsasontziko estropada eta itsas rally bat, itsasontzi ospetsuak ikusteko doako bisitak eta adin guztientzako tailerrak.
Une "ikusgarrienetako bat" Juan Sebastian Elkano Espainiako Armadaren eskola-ontzia Getariako portura iristen denean izango da, 20:00ak aldera. Ondoren, Getaria inguruko sukaldariek antolatutako afaria egongo da, Balentziaga Museoan, eta bertan banatuko dituzte estropadako sariak.
Ekimen honetan parte hartzen duten lau ontzi ospetsu hauek izango dira arreta gehien erakarriko dutenak: 'Juan Sebastian Elcano' Espainiako Armadaren eskola-ontzia, 'El Saltillo' EHUren eskola-ontzia, 'Lucretia' itsasontzia eta Getariako 'Mater' atun-ontzi zaharra (ur gaineko museoa bihurtuta). Horiek guztiak doan bisitatzeko aukera egongo da.
Igande honetan, nabigatzaileek Kofradian sinadurak idatzi eta gero, marinel meza izango da San Salvador elizan, Salbatore abesbatzarekin batera, eta Getariako nabigatzailaren monumentuaren aurrean lore-eskaintza egingo dute lau ontzidietako ordezkariek.
Halaber, bestelako ekitaldiak antolatu dituzte portuan: hitzaldiak, erakusketak, kultura eta heziketarekin lotutako tailerrak, tokiko elikagaiak dastatu eta horien inguruan hitz egiteko guneak, eta omenaldian parte hartzen duten itsasontzietara doako bisitak.
'Juan Sebastian Elcano' Espainiako Armadaren eskola-ontzia igande honetan bisitatu ahalko da Getarian eta uztailaren 8an eta 9an Getxon (Bizkaia). Bisitak doan izango dira, baina aurretik horizonteelcano.com web orrialdean eman beharko da izena.
Igandean amaituko dira ekitaldiak, 20:00etan, 'Juan Sebastian Elcano' Getariako portutik irteten denean. Aurretik, gainerako ontziek utziko dute herria.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.