Donosti Cupen parte hartu ostean ihes egin duten bi adingaberen bila ari dira
Ertzaintza Sierra Leonako bi adingaberen bila dabil. Gaztetxoak Donosti Cup futbol txapelketan lehiatzera etorri ziren Diamond Child taldearekin, baina etxera itzultzeko eguna iritsi zenean, uztailaren 13an, ohartu zen Anthony Seydu Diamond Child taldeko arduraduna falta zirela. Taldekideak egun horretan bertan itzuli ziren Freetown hiriburura.
Horren aurrean, Seyduk salaketa jarri zuen Donostiako ertzain-etxean. Diamond Child School of Arts and Culture gobernuz kanpoko erakundeak bultzatuko taldea da Sierra Leonakoa. Erakundeak eskola bat du Freetownen, eta bertan bizi dira gatazka armatuaren biktima izan diren adingabeetako batzuk.
Euskadi Irratiari eskainitako elkarrizketa batean, "lur jota" agertu da Seydu. "Lehen aldiz lortu dugu Sierra Leonako ordezkaritza bat hona ekartzea, eta asko kostata, gainera. Txikitatik daude gurekin, eta hazten ikusi ditugu; ez genuen espero", adierazi du, penatuta.
Horren esanetan, txapelketa uztailaren 12an amaitu zen, eta gau hartan antolatzaileek Anoetan antolatutako afarian izan ziren taldekideak; ondoren, lotara joan ziren Antigua auzora, Villa Alaidin egon baitira ostatu hartuta. Seyduren arabera, 02:00ak eta 06:00ak bitartean egin zuten alde, lehen solairuko logela bateko leihotik aterata. "Arrazoiren batengatik, aurrez pentsatuta zuten ihes egitea", azaldu du Seyduk.
Ordutik ez dago gaztetxoen berri. Seyduren ustez, zer topatuko duten jakin gabe ihes egin zuten adingabeek: dirurik gabe, hizkuntza ezagutu gabe, aldean zuten arroparekin... Bi mutikoak lehenbailehen eta onik aurkitu nahiko lituzke gobernuz kanpoko erakunde horretako arduradunak, eta laguntza eskatu du horretarako. Baten batek horien berri izanez gero, beraiei edo Ertzaintzari jakinarazteko eskatu du.
Sierra Leonako taldea eta Palestinako Al-Bustan eta Not to Forget Jenin Camp taldeak Gipuzkoako Batzar Nagusiak emandako dirulaguntza bati esker etorri ziren.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.