'Babesgabetasun egoera' salatu du Open Armsek, Italiako kostaldearen aurrean
Open Arms gobernuz kanpoko erakundeak (GKE) "agonia jasanezintzat" jo du ontzian bizi duten egoera, erreskatatu zituztenetik hamabost egun bete direnean porturatzeko aginduaren zain jarraitzen baitute, eta Italiako uretan sartzea debekatzen zion dekretua bertan behera utzi zuen erabaki judiziala betearazteko eskatu dio erakundeak Italiako Fiskaltzari.
Twiterren zabaldutako bideo batean, Oscar Camps fundatzaileak ohartarazi du erabaki judizialak bat ez betetzea "delitu bat egitea da, prebarikazioa bezala".
"Fiskaltzari zerbait egiteko eta epaia betetzeko eskatu diogu", ontziaren babesgabetasunaren aurrean. 134 migratzaile daude ontzian.
Esan duenez, banakako txostenak eskatzen ari zaizkio, eta horrek itxaronaldia luzatzen du: "Gu geldiarazteko zirrikituak dira, azpijoko malefiko bat, asmo txarrez".
Erakundearen fundatzaileak iragarri duenez, Espainiari "babesgabetasun egoeraren" berri emango dio.
Campsen arabera, ontziaren egoera kritikoa da, eta psikologoek azpimarratu dute guztien ebakuazioa beharrezkoa dela. Hori, gainera, bat dator Italiako epaitegi batek ebatzitakoarekin. Migratzaileak muturreko egoera batean daudela ebatzi zuen.
Gainera, erakundeak esan duenez, Palermoko adingabeen fiskalak ontzian dauden adin txikiko guztientzat tutore bat "izendatu" du: "Urrats garrantzitsua da, baina burokraziak prozesua moteltzen du, eta lehenbailehen lehorreratu behar dira".
Emergentziazko ebakuazioak
Twitterren azaldu dutenez, emergentziazko sei ebakuazio egin dituzte bi asteotan; hala ere, ontzian 134 migrante gelditzen dira, eta horien eskubideak "minutuero urratuak izaten ari dira", azpimarratu dute.
Bestalde, EBko gobernuen politikaren harira, Open Arms GKEa oso kritiko agertu da: "EBko politikak mugak ezartzeko gai ez badira, zer gelditzen zaigu?". Ildo horretan, kalbariotzat jo du ontziaren barneko egoera.
Open Arms ontzian zeuden 18 pertsona premiaz lurreratzea onartu du Italiak, batzuek osasun arazoak zituztelako eta beste batzuk haiekin batera zihoazelako. Hasieran, gobernuz kanpoko erakundeak bost migratzaile ebakuatu zituen "larrialdi egoeran", arrazoi psikologikoak zituztela; beste bederatzi ebakuatu zituzten gero, eta, ostegunetik ostiraleko gauean, lau gehiago eraman dituzte.
GKEak azaldu duenez, Italiako kostazainak eta medikuak ontzian sartu dira, dokumentazio guztia eta txosten medikoak aztertzeko.
Open Arms gobernuz kanpoko erakundearen izen bereko ontziak Italiako uretan bota zuen aingura atzo, Italiako Justiziak Matteo Salvini Barne ministroak sinatu zuen debekua indargabetu ostean.
"Agintarien baimena jaso du Italiako uretan aingura botatzeko. Salviniren agindua bertan behera gelditu da, beste agindu bat emango duela mehatxatu arren", adierazi du Open Armsek goizaldean.
Orain, ontzia porturatzeko baimenaren zain daude, migranteak lehorreratzeko.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.