Italian porturatuta, migratzaileak Madrilera abioiez eramatea eskatu du 'Open Arms'ek
Open Arms gobernuz kanpoko erakundeak bere ontzian daramatzan 107 migratzaileei Lampedusan (Italia) lehorreratzen utz diezaietela eskatu die gaur Europar Batasuneko agintariei.
"Pertsona horiek guztiak hurbilen dagoen porturik seguruenean lehorreratu behar dira eta portu hori Lampedusako da, 800 metrora baitago. 18 egunez zain egon eta gero, beste bost egunez nabigatzeko eskatuko diguzue, horrek ekar ditzakeen ondorioekin?", galdetu du Anabel Montes Open Arms ontziko buruzagiak sare sozialetan publikatutako bideo baten bidez.
"Gizatasunez jokatzeko deia egin nahi dut. Ezin dugu beste bost egunez zain egon. Lehorreratu egin behar dute. Pertsonak dira", azpimarratu du.
Duela 18 egun erreskatatu zituzten Mediterraneoan, etorkizun hobe baten bila Europara iritsi nahi duten 107 migratzaileak.
Ontzian egoera jasanezina da. Migratzaileen artean urduritasuna nagusi da, borrokak izan dira eta igandean zenbait lagunek ontzitik uretara salto egin zuten, Lampedusara igerian heltzeko asmoz.
Espainiako Gobernuak Algecirasko (Cadiz) edo Balearretako portuetan lehorreratzeko aukera eskaini zion atzo Open Arms ontziari, baina tripulazioak baztertu egin du eskaintza, egoera kritikoa dela eta horren urrun nabigatzeko moduan ez daudela argudiatuta.
Italian porturatuta, hegazkinez Madrilera
Gauzak horrela, Riccardo Gatti Open Arms erakundeko presidente italiarrak 107 migratzaileak Lampedusan edo Catanian (Sizilia) lehorreratzea proposatu du, ondoren hegazkinez Espainiara eraman ditzaten.
"Migratzaileei tratu duina emateko, Cataniara eraman ditzakete eta handik, hegazkinez, Madrilera", adierazi du Gattik Lampedusan egin duen agerraldian.
Hala eginez gero, denbora aurreztuko litzatekeela eta, ondorioz, desplazamendurako gastu publikoa txikiagoa izango litzatekeela azaldu du; izan ere, Gattiren esanetan, Aquarius ontziko migratzaileak Espainiara eramateak 250.000 euroko gastua suposatu zuen, baina migratzaileak hegazkinez eramatea askoz merkeagoa izango da.
Albiste gehiago gizartea
Olatz Salvadorrek eta Marenek kontzertuak eskainiko dituzte Abandoibarrako oholtza gainean, Aste Nagusian
Hala, Abandoibarran, hilaren 16an, larunbata, 23:30etik aurrera, Kai Nakai, Olatz Salvador eta Maren Domingo arituko dira, eta igandean, hilaren 17an, ordu beretik aurrera, Janus Lester eta Dupla.
Zeledonek Palestinako genozidioaren eta indarkeria matxistaren aurkako aldarria egin du, eta "falta direnak" gogora ekarri ditu
Milaka pertsona izan dira Gasteizko Andre Maria Zuriaren plazan 'Zeledonen Jaitsiera' ekitaldian. Iñaki Kerejazuk palestinarren aurkako genozidioa bukatzea eskatu du, eta eraso matxistak gaitzetsi ditu. Arabako hiriburuko jaien aniztasuna aldarrikatu du, "jatorria edozein dela ere".
Festak eztanda egin du Gasteizen, Zeledon aldarrikatzaile baten eskutik
Zalduondoko baserritarra San Migel elizako dorretik jaitsi da Andre Maria Zuriaren plazaraino. Urtero bezala, nahiz eta bero handia egin, plaza jendez lepo egon da, guztiak jaiei hasiera emateko irrikaz.
Poloniak prozesua ireki dio berriro Pablo Gonzalez euskal kazetariari
Horretarako agindua eman dute inteligentzia zerbitzuek igorritako dokumentuak jaso ondoren, eta urriaren amaieran edo azaroaren hasieran egin liteke epaiketa. Hiru eta hamabost urte arteko kartzela-zigorra bete dezala eska dezakete.
Sei pertsona atxilotu dituzte Castro Urdialesen, luxuzko txalet batean 500 marihuana-landaretik gora atzeman ondotik
Landareak etxebizitzaren beheko solairuan zeuden, eta leihoak eta kanporako atea zigilatuta zeuden, usainik atera ez zedin.
Hegazti gripearen kasuak detektatu dituzte Santurtzin eta Erandion jasotako kaio hankahorietan
Hegaztiei bakarrik eragiten die, ez zaie pertsonei transmititzen eta ez da arriskutsua osasun publikorako. Hala ere, prebentzio-kontrolerako neurriak ezarri dira eremu horretan, animalien osasuna babesteko eta hegaztien sektorean izan daitekeen edozein eragin minimizatzeko.
26 urteko gizon bat atxilotu dute Gasteizen, bikotekideari jazarpena eta tratu txarrak emateagatik
Igandean izan zen atxiloketa. Udaltzaingoaren patruila bati jakinarazi zioten gizon bat emakume bat jazartzen ari zela, etengabe etxeko atea jotzen.
Bilboko Konpartsek 600 jarduera baino gehiago antolatu dituzte Aste Nagusira begira, tartean 250 kontzertu
Kirolak garrantzi handia izango du, eta txikientzako jarduerak ere ez dira faltako, ia egunero, aste berezi horretan. Halaber, ez dira faltako arte eta sukaldaritza tailerrak, puzgarriak, txotxongiloak eta pailazoak, goitiberak eta txosnak eraikitzeko tailerrak, besteak beste.
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta betiko legez aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.