Zaintza kontrolak zorroztu dituzte Aragoiko Pirinioetako mugan G7aren goi-bileragatik
Aragoiko Pirinioetatik Frantziarako bidean dagoen mugako pasabideetan zaintza kontrolak zorroztu dituzte Espainiako Poliziak eta Guardia Zibilak, datorren astean Biarritzen egingo duten G7aren goi-bilera dela eta.
Ostegun honetan jakitera eman dutenez, Irun (Gipuzkoa) eta Hendaia (Lapurdi) arteko mugan ez ezik, gainerako pasabideetan ere Frantziako jendarmeriarekin koordinatuko dira Espainiako Polizia eta Guardia Zibila, Biarritzeko sarbideetan kontrola bermatzeko asmoz. Horrenbestez, edozein neurri hartuta ere, auto-ilara luzeak egongo direla ohartarazi dute.
Espainiako Poliziari dagokionez, zaintza operatibo horretako koordinazio lanak Canfranc udalerriko (Huesca) Polizia-Lankidetza eta Aduana Zentroan (CCPA) egingo dituzte, eta atzerritartasun eta segurtasun kontrolen ardura izango dute bertan, besteak beste.
Bestalde, Guardia Zibilak azaldu du Pirinioetako mugan dauden hiru pasabideen (Somport, Portalet eta Bielsa) bi aldeetan Frantziako Jendarmeriarekin koordinatuta jardungo duela.
Gauzak horrela, Guardia Zibilak zirkulazio kontrolak ezarriko ditu Somport eta Portaleteko pasabideetan. Izan ere, abuztuaren 24tik 26ra bitartean, alegia, zazpi herrialdeetako estatuburuak Biarritzen bilduko diren bitartean, horiek izango dira merkantzia-garraioek erabili ahal izango dituzten pasabideak, Euskal Autonomia Erkidegoan (Irunen) ibilgailu astunen trafikorako murrizketak ezarri ostean.
Astelehen honetarako aurreikusita dauden murrizketen artean, 11:00etatik 18:00etara, Irunetik Frantziara joatea debekatuta izango dute ibilgailu astunek. Horren ordez, kamioiek Somport eta Portalet arteko pasabideak erabili ahal izango dituzte.
Guardia Zibilak jakinarazi duenez, A-23 eta N-330 errepideak (Somport) eta N-260 eta A-136 (Portalet) errepideak kamioientzat irekita egongo badira ere, bide horietan “gertakari garrantzitsuren bat" jazoko balitz, zirkulazioa mugatuko liekete garraiolariei.
Testuinguru horretan, ibilbidea hasi aurretik, Frantziako sarbideen informazioa kontsultatzeko aholkatu die Guardia Zibilak auto-gidariei, eta, bereziki, garraiolariei.
Gainera, Huesca eta Frantziaren arteko mugaren hedadura (200 kilometro inguru) dela eta, Guardia Zibilak identifikazio kontrol ugari ezarri ditu Somport, Portalet eta Bielsako pasabideetara iristeko bidean dauden errepideetan.
Guardia Zibilak esan duenez, goi-bileraren segurtasuna bermatzeko egin beharreko zerbitzu espezifikoetan unitate eta espezialitate ezberdinetako langileek parte hartuko dute.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.