Open Arms, ontzia aske uzteko epailearen aginduaren ondoren: ‘Itsasora itzuliko gara’
Open Arms ontziak migratzaileak erreskatatzen jarraitzeko asmoa agertu du ostegun honetan, eta Italiako kostazainek egindako berrikuspen batean adierazitako alderdi teknikoak konpondu ondoren, itsasora itzuliko direla adierazi du Gobernuz Kanpoko Erakundeak (GKE). Izan ere, Stefano Zammuto Agrigentoko Instrukzioko epaileak ontzia aske uzteko eta GKEari itzultzeko agindua eman du gaur goizean.
“Itsasora itzuliko gara”, jakinarazi dute erakunde horretako iturriek. Testuinguru horretan, ikuskaritzan atzemandako arazo teknikoak konpontzeko lanean ari dira lantaldea eta tripulazio osoa. Lan horiek astebete inguru iraungo dute, eta konpondutakoan erakundeak ez du Espainiara itzultzeko asmorik.
Abuztuaren 21ean, Italiako agintariek Open Arms ontzia atxiki dute Sizilian, segurtasun neurrietan "arazo larriak" daudela baieztatu eta gero. Lampedusan erreskatatutako migratzaileen lehorreratzearen ostean atxiki zuten, hain zuzen ere.
GKE horren erreskate-ontzia Agrigentoko fiskalaren aginduz atxiki zuten, migratzaileak erreskatatu zituztenetik bi aste igaro ostean, itsasontzira igo eta haien egoeraren berri izan ostean.
Migratzaileen lehorreratzea baimendu ez izanagatik Italiako Administrazioaren aurka abiatutako ikerketaren baitan, epaileak Luihi Patronaggio fiskalak emandako atxikipena berretsi du, baina itsasontzia GKEari itzultzeko agindua eman du, “migratzaileak ebakuatu eta erreskatatu ostean ez baitute frogarik atzeman”. Ondorioz, ez diote “inolako erantzukizunik” leporatu erakundeari ezta tripulazioari ere ez.
Espainiako Gobernuak behin baino gehiagotan esan du Open Armsek ez duela Mediterraneoan erreskateak egiteko baimenik, eta gogorarazi dio 901.000 euro arteko isunei aurre egin behar diela. Abuztuaren 21ean, Carmen Calvo Espainiako Gobernuko jarduneko presidenteordeak nabarmendu zuen ontziak “L ontzia” duela, alegia "giza laguntzarako baimena dauka, elikagaiak banatzeko".
Zure interesekoa izan daiteke
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea beste 29 pertsonari ere jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela nabarmendu du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi nodular kutsakorraren aurkako neurriak eguneratu ditu Jaurlaritzak
Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.