Open Arms ontziko 15 migratzaile hartuko ditu Espainiar Estatuak
Carmen Calvo Espainiako Gobernuaren jarduneko presidenteordeak esan duenez, Open Arms ontziko 15 migratzaile hartuko ditu Espainiar Estatuak, hasieran egindako banaketaren arabera.
"Printzipioz, Errumania barnean hartuta egin genuen banaketan, 15 ziren, eta uste dugu hori da mantendu egingo den banaketa", esan du Calvok.
Abuztuaren 15ean, Proactiva Open Arms GKEk Mediterraneo itsasoan erreskatatutako migratzaileak hartzeko prest agertu ziren Europar Batasuneko sei estatu: Portugal, Espainia, Frantzia, Alemania, Luxenburgo eta Errumania. Gero, Errumania zerrendatik kanpo geratu zen, beste bost estaturekin nahikoa zelakoan.
Gobernuko presidenteordeak nabarmendu duenez, Errumania kontuan hartuta egindako kuota 15 pertsonakoa zen. "Gure ontzia Rotatik irten zenean presidenteak hasitako erantzun humanitarioari jarraiki ekarriko ditugu gure herrialdera", azpimarratu du.
Gainera, Calvok defendatu du migratzaileak Espainiako Armadako Audaz ontzian ekartzea hegazkinez egitea baino "askoz seguruagoa eta askoz errazagoa" da.
"Defentsa Ministerioaren logistikak esan du lehen momentutik itsasoz ekartzea airez egitea baino askoz seguruagoa zela. Aukera hori askoz seguruagoa eta askoz errazagoa da gure indar armatuentzat; militarrek teknikoki baloratuta hartu dute erabakia", azaldu du.
Gainera, jarduneko presidenteordeak gogorarazi du Audaz ontzia Lampedusarako bidean zegoela, "ia ibilbidearen erdia ia eginda", buelta emateko. "17:00ak inguruan irten zen Rotatik 48 ordu lehenago; jarduneko presidentearen erabakia gobernatzen dugun herrialdearen erabaki duin bat izan zen", esan du.
Espainiako Gobernuaren asmoa Open Arms ontziko migratzaile guztiak portu seguru batera eramatea zela zehaztu du Calvok, eta bidean Italiako Fiskaltzaren esku hartzea heldu zela azaldu du.
365 migratzaile Ocean Viking ontzian
Abuztuaren 9tik 12ra Ocean Viking ontziak erreskatatutako 365 migratzaileak eta errefuxiatuak, tartean 103 adingabe, lehorreratzeko portu seguru baten bila jarraitzen dute. Mugarik Gabeko Medikuak erakundearen arabera, nabarmen traumatizatuta daude migratzaileak.
Erakunde horrek jarduten du, SOS Mediterranee erakundearekin batera, Ocean Viking ontzian. Bertan hurrengo bost egunetarako jakiak baino ez dituztela ohartarazi dute. Gainera, guztien osasun mentalaren "hondatze azkarra" salatu dute medikuek.
Erakundeek abuztuaren 13an eskatu zieten Malta eta Italiako agintariei operazioa bere gain hartzeko. Maltak ezetz erantzun zuen, erreskatea bere eskumenetik kanpoko uretan egin zela argudiatuta, eta Italiak ez du erantzun formalik eman, Mugarik Gabeko Medikuak erakundearen arabera.
Ocean Viking ontziko migratzaileak. Argazkia: EFE
Aita Mari, abuztuaren 27an itsasoratzeko prest
Iñigo Mijangos Itsas Salbamendu Humanitarioa erakundearen presidentea ez da "harritu" Proactiva Open Arms erakundeari egindako zigorrak jaso ditzakeela esanez egindako ohartarazpenarengatik, eta Aita Mari ontzia abuztuaren 27an abiatzeko asmoa agertu du, baina "beti legearen barruan".
Mijangosek onartu du Calvo presidenteordeak ez duela esan "jadanik ez zekien ezer", Open Arms ontziaren jardunak ekar litzakeen ondorioei buruzko ohartarazpenari erreferentzia eginez. Erreskate lanak egiteko baimenik ez zuela ohartarazi zioten ontziari.
Aita Marik, bestalde, abuztuaren 27an Pasaiako (Gipuzkoa) portutik abiatzeko lanean jarraitzen du. "Orain despatxua eskatuko dugu, eta erantzuten digutenaren arabera jokatuko dugu, baina beti legearen barruan", nabarmendu du.
Salbamendu ontzia bilakatutako euskal atunketariak zein Open Arms ontziak "elikagaiak bidaiatzeko laguntza humanitariorako lizentzia" baino ez daukate, Calvoren arabera.
Ez dute "bilaketa eta salbamendu operazioak egiteko" ezta "helburu horrekin egindako nabigazioak ere egiteko" baimenik, orain dela bi hilabete Merkataritza-Nabigazioak Open Armseko kapitainari bidalitako gutunak zioenez. "Aldizka, bat-bateko erreskateak egin ditzakete, ontziaren ohiko nabigazioarekin lotuta", itsaso salbamenduari buruzko arauak beteta.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.