Hilaren 27an abiatu nahi du Mediterraneora 'Aita Mari' ontziak
Asteartean, abuztuak 27, Mediterraneora joateko asmoa dauka ‘Aita Mari’ ontziak, migratzaileak erreskatatzera. Bitartean, Pasaian (Gipuzkoa) porturatuta dago, Espainiako Sustapen Ministerioaren erantzunaren zain.
Iñigo Mijangos Itsas Salbamendu Humanitarioa gobernuz kanpoko erakundearen presidenteak aitortu duenez, aste honetan ‘Open Arms’ ontziaren inguruan jazo diren gertaerek haiek eskatutako baimenaren "tramitea baldintzatzen dute”.
Mijangosek azpimarratu duenez, legea errespetatuz aritu izan dira beti, eta Espainiako Sustapen Ministerioak eskaera horri baldintzarik ez jartzea espero du, Mediterraneo aldean migratzaileak “ arazorik gabe” erreskatatu ahal izateko.
Carmen Calvo Espainiako Gobernuko jarduneko presidenteak asteazken honetan azaldu duenez, ‘Open Arms’ ontziak ez zuen erreskateak egiteko baimenik. Bere esanetan, Proactiva Open Arms erakundearen ontziak laguntza humanitarioa emateko baimena zuen bakarrik, alegia, elikagaiak eta sendagaiak banatzeko aukera.
Apiriletik ekainera bitartean, Greziako errefuxiatuei laguntza humanitarioa eman zien ‘Aita Mari’ ontziak, ez zuelako migratzaileak erreskatatzeko baimenik lortu. Espainiako Sustapen Ministerioak horretarako baimena ematen badio, asteartean irtengo da Pasaiako portutik.
Zure interesekoa izan daiteke
Zer neurri proposatzen ditu KIDS Legeak adingabeak Interneten babesteko?
SOS-Deiak larrialdi zerbitzua ordu erdi etenda egon da sistemako akats baten ondorioz
Ezkontzak % 8,4 gutxitu dira Euskadin urteko lehen hiruhilekoan
Gizon bat atxilotu dute Bilbon, ibilgailuak erregistratzeko eta delituak egiteko mutil baten identitatea usurpatzeagatik
Euriteek gutxienez hildako bat utzi dute Katalunian
Bengoetxea: "Epaia sakon aztertuko dugu helegitea aurkeztu edo ez erabakitzeko eta moldatzen ari garen dekretua hobetzeko"
Oporrak baimenik gabe 17 egunez luzatu zituen langile baten kaleratzea berretsi du Nafarroako Justizia Auzitegi Nagusiak
Egunean zenbat ordu igarotzen dituzte haurrek eta nerabeek pantailen aurrean?
Bi pertsona atxilotu dituzte Ceutan, baldintza penagarrietan eta dirutza kobratuta migratzaileei "ostatu emateagatik"
