Zazpi drone erabiliko dituzte gaur Fernandez Ochoa bilatzeko lanetan
Blanca Fernandez Ochoaren bilaketa lanei ekin diete berriro astearte honetan Cercedillan (Madril). Berritasun gisa, zazpi drone erabiliko dituzte gaurko honetan, oinez iristeko zailak diren tokietan.
Horrela, Polizia, Guardia Zibila eta basozainak, 50 boluntarioren laguntzarekin, goizeko lehen orduan abiatu dira eskiatzaile ohiaren bila.
Blanca Fernandezen ahizpa Dolores ere goizetik heldu da bertara, abuztuaren 23az geroztik desagertuta dagoen mendizalearen makiletako batekin, ibilbidean lagunduko diolakoan.
Esan bezala, 08:00ak aldera, Polizia Nazionalaren, Guardia Zibilaren eta Madrilgo Autonomia Erkidegoko Suhiltzaileen zazpi drone aireratu dituzte. Horiek guztiek bereizmen handiko kamera eta kalitate oso oneko zooma dute. Gainera, infragorrien kamera ere badute, ikuspen gutxiko lekuetan edo gauez jendearen bilaketa lanak errazteko.
Luis Miguel Peña Cercedillako alkateak azaldu du hamabi ibilbide egingo dituztela; horietako bat, droneekin. Hain zuzen ere, atzo miatu ez zituzten tokietatik ibiliko dira gaur, nahiz eta lekuren batzuk errepikatuko dituzten, "inguru oso zabalak direlako".
Blancaren neba Jose Manuelek, bestalde, ziurtatu du "gogotsu doazela gaur ere".
"Dagoeneko miatu ditugun inguruak mapa batean ari gara seinalatzen. Argi dago helburua Blanca aurkitzea dela. Herriaren maitasuna sentitu dugu. Avilatik ere jendea etorri da. Blanca askotan ibiltzen zen hemendik", gaineratu du.
Halaber, argi utzi du Blancak janaria erosi izanak ez duela ezer esan nahi: "ogitarteko baterako jana, besterik ez".
Familia oso larri dago, "egun asko igaro direlako, baina ez dugu itxaropena galdu behar", esan du Jose Manuelek.
"Siete Picosen egon litekeela uste dugu guztiok, asko gustatzen zitzaiolako. Droneak bertatik ibiliko dira, eta ea emaitzarik dagoen. Eskerrik asko, benetan", bukatu du.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.