Atxuriko geltokia itxiko dute astelehenean, 127 urte martxan egon ondoren
Irailaren 9tik aurrera, Euskotren konpainiako trenak Bilboko metroaren 3. lineatik ibiltzen hasiko dira, eta, ondorioz, Bilboko Atxuri auzoko tren geltokia astelehenean bertan itxiko dute, 127 urte martxan egon ondoren.
Euskotrenek ostegun honetan jakitera eman duenez, datorren astelehenean neguko ordutegia indarrean sartuko da bere trenbide linea guztietan; Usansoloko Ospitalera eta Zamudioko Teknologia-parkera doazen autobuseko anezkak barne.
Iazko ordutegiekin alderatuta, berrikuntza nagusia Bilbo-Bermeo (E4) lineako ibilbidea aldatzea da, izan ere, astelehenetik aurrera, trenak Matiko geltokiraino sartuko dira Bilboko metroaren 3. linearen bidez (Euskotrenek kudeatzen duena).
Aldaketa horrek Bilboko erdigunearekiko komunikazioa hobetuko du eta metroaren beste bi lineekiko lotura erraztuko du. Testuinguru horretan, trenak Matikoraino iritsiko direnez, Atxuriko eta Boluetako tren geltokiak itxiko dituzte.
Manuel Maria Smith arkitektoak 1912an eraiki zuen gaur egungo geltokia, 1882ko lehenbiziko tren geltokia txikiegi geratu ondoren.
Euskotrenek azaldu duenez, datorren astelehenetik aurrera ibilbidea aldatuko bada ere, Bilbo-Bermeo (E4) linean trenen maiztasunak aurreko neguan bezala jarraituko du, eta tren batzuen ordutegian aldaketa txiki bat bakarrik egongo da. Hala, errefortzu bakarra egongo da goizean, 06:58ean, Gernikatik Matikora joateko.
Tren konpainia horren arabera, gainerako lineetan (E1 Matiko-Amara, E2 Lasarte-Hendaia, E3 Lezama-Kukullaga/Etxebarri eta L3 Matiko-Kukullaga/Etxebarri) ere ez da aldaketa nabarmenik izango iazko neguko ordutegiarekin alderatuta.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.