Denboraleak sei hildako utzi ditu Espainian
41 urteko gizon bat hilik topatu dute larunbat honetan, Orihuelan (Alacant), denboraleak gehien astindutako zonaldeetariko batean. Euri-jasek Espainian utzi duten seigarren hildakoa da, bigarrena Orihuelan.
Biktima berriaren gorpua Guardia Zibilak aurkitu du. Urpekarien eta helikoptero baten lana beharrezkoa izan da gorpua erreskatatzeko, Guardia Zibilak zehaztu duenez.
Bestalde, Alacanten sekulako euri-jasa bota du goizaldean. Horregatik, zuhurtziaz jokatzea eskatu die Udalak herritarrei. Hondartzetan bainua hartzeak debekaturik jarraitzen duela gogorarazi du Udalak, bandera gorria baita. Hiru metroko olatuak espero dira.
Era berean, Alacanten, Dolores herrian uholdeak izan dira gauean. "Argindarrik ez kontsumitzeko eta etxebizitzetan istripuak saihesteko" argia kentzea eskatu die alkateak bizilagunei.
Vega Baja (Alacant) izeneko eskualdean 1987ko azaroan botatakoa gainditu du denboraleak. Hala ere, 1879ko uholdeek 1.000 hildako baino gehiago utzi zituzten Santa Teresa egunean, Murtzia eta Vega Baja artean.
Murtzian, hain zuzen ere, hondamendi eremua izendatzea eskatu du Archenako Udalak. Bestalde, asteburuko ekitaldi eta jarduera guztiak bertan behera utzi ditu Cartagenako kirol zinegotziak.
Andaluzian, 300 gorabehera baino gehiago eragin dituzte euri-jasek, Almerian, Granadan eta Malagan. Granadako suhiltzaileek ibilgailu baten gidaria erreskatatu behar izan dute Alhendinen, errepidean harrapatuta geratu ondoren. Gainera, etxebizitzatik atera ezinik geratu den adineko bikote bat lagundu behar izan dute; izan ere, "uholdea etxe barruan zuten" Ijarren, Las Garabiaseko auzo batean.
Bestalde, A-92 autobia itxi behar izan dute, Granadako noranzkoan, euri-jasen ondorioz.
Era berean, Sevillako parke publikoak itxi dituzte alerta laranjagatik.
Sanchez Orihuelan da denboralearen kalteak bertatik bertara ikusteko
Pedro Sanchez Espainiako jarduneko gobernuburua Orihuelara joan da, larrialdietako helikoptero batean zonaldea ikusi ondoren.
Jose Luis Abalos Sustapen ministroak eta Fernando Grande-Marlaska Barne ministroak Sanchez lagundu dute. Marlaskak zonaldea ostiralean bisitatu zuen dagoeneko.
Ondoren, Murtziara joango da. Denboraleak kalte handiak utzi ditu bertan.
Lehendakariaren elkartasun mezua
Tanta hotzak astindutako erkidegoei elkartasuna adierazi die Iñigo Urkullu lehendakariak, eta Euskadiren laguntza eskaini die.
Valentzia, Murtzia eta Andaluziari elkartasuna azaldu die Urkulluk sare sozialetan, "baita Albaceteri ere".
Era berean, "hondamendian" hildako pertsonen senideei eta lagunei doluminak eman dizkie agintariak.
Albiste gehiago gizartea
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.