NBEk barkamena eskatu du eta webgunetik kendu du 'Guernica'ri buruzko testua
Nazio Batuen Erakundeak barkamena eskatu dio publikoki Espainiari eta bere webgunetik kendu du Pablo Picassoren "Guernica" artelanaren inguruan zegoen testua. Halaber, epe laburrean, testu berri bat argitaratuko duela iragarri du.
Picassok 'Guernica' "Espainiako Gerra Zibilean Errepublikaren ankerkeriaren kontrako protesta artistiko gisa" margotu zuela zioen, bonbardaketaren egilea bando frankista izan zenean. 1937ko maiatzaren eta ekainaren artean margotu zuen Picassok "Guernica" kuadro ezaguna, apirilaren 26an Gernikak bonbardaketa jasan eta berehala. Frankisten alde borroka egin zuen Alemaniako Kondor Legioko hegazkinek bonbardatu zuten Bizkaiko herria.
Stephane Dujarric NBEko bozeramaileak atzo iragarri zuenez, aipaturiko webgunea behin behinean erretiratu egin dute "zuzenketa" egin eta bertako eduki guztiak "berrikusi" bitartean.
"Benetan sentitzen dugu akatsa eta horregatik barkamena eskatzen diegu Espainiako Gobernuari eta herriari", adierazi zuen Dujarricek. Haren esanetan, "akats" bat izan da, "intentzio txarrik" eta "bigarren asmorik gabea". "Jakin badakigu Errepublikaren aldekoak biktimak izan zirela eta ez egileak", gaineratu zuen.
Asteburuan, Javier Alfonso Cerdón Leongo PSOEren idazkari nagusi eta memoria historikoaren Leongo erakunde bateko presidenteak egin zuen salaketa. Halaber, zuzenketa eskatzen zuen sinadura bilketa bat ere abian zegoen.
Akatsaren berri izan ostean, Espainiak Nazio Batuetan duen ordezkaritzak berehalako zuzenketa eskatu zion erakundeari.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.