Ehunka pertsonak EuroPride jaialdiaren aurka protesta egin dute Bilbon
Ehunka pertsonak EuroPride jaialdiaren kontra protesta egin dute Bilbon, "Euskal Herriko LGTBI mugimenduaren aldarrikapen historikoen aurkako interes ekonomikoen" esanetara dagoelako.
Manifestazioa Arriagan antzokitik abiatu da, eta Bilboko Kale Nagusia zeharkatu ondoren Euskalduna jauregian bukatu da. Hain zuzen ere, EuroPriden elkarte antolatzailea, EPOA, batzar nagusia egiten ari da asteburu honetan, Euskaldunan.
Bizigay LGTB+ elkarteak EPOAren (European Pride Organisers Association) batzar nagusia aprobetxatu du Bilboko Udalari eta Bizkaiko Aldundiari ekitaldietan dirua xahutzeari uztea eta LGTB+ sentsibilizazioan inbertitzea eskatzeko.
Bizigayren hitzetan, Bilbao Bizkaia Harro, EPOAren batzar nagusia edo EuroPride bezalako ekitaldiek "erakunde publikoen LGTB+ politiken gabeziak ezkutatzeko helburua dute".
"LGTB+ sentsibilizazio politika publikoek gizartea urteko 365 egunetan eraldatzen duten bitartean, ekitaldiak gutxi batzuen etekinerako aisialdi iragankorra dira", kritikatu du.
Gainera, jaialdi horiek kolektiboaren aniztasuna islatzen ez dutela azpimarratu du Bizigayk: "Erosteko ahalmen handia duten gizon gay zuriei zuzenduta daude, kolektiboaren gainerako siglak bazterrean utziz".
Bestalde, Bilboko Udala LGTB+ mugimenduarekin zorretan dagoela gogorarazi du Bizigayk, 2016ko urtarrilean egindako udalbatzan adostutako akordioa bete gabe jarraitzen duelako.
Sexu orientazio eta genero nortasunarengatik egindako erasoen aurkako protokolo bat sortzea adostu zuen Udalbatzak. Ez dutela egin salatu du kolektiboak. Era berean, Udalaren eta elkarteen arteko lantaldea abiatzea adostu zuten, baina oraindik ez da bildu.
Hala ere, Bilboko Udalak "ontzeko asmoa azaltzeko eta egoerari buelta ematen hasteko aukera paregabea du", erantsi dutenez; izan ere, Bizigayk LGTB+ udal zentro bat martxan jartzeko proposamena egin zuen partaidetza aurrekontuetan.
Albiste gehiago gizartea
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.