Krisi klimatikoaren aurrean 'eskualdeek duten garrantzia' aldarrikatu du Jaurlaritzak
Elena Moreno Eusko Jaurlaritzako Ingurumen sailburuordea New Yorken da egunotan, Klimaren Astearen hitzaldi, bilera eta ekitaldietan parte hartzen. Atzo The Hub izeneko foroan mintzatu zen, 600 politikari eta ekonomialarien aurrean. Hitzaldian larrialdi klimatikoari aurre egiteko Euskadik hartu dituen neurrien inguruan aritu zen, eta krisi horren aurrean "eskualdeek duten garrantzia" aldarrikatu zuen.
Morenoren hitzetan, Jaurlaritzak Nazio Batuen Garapen Jasangarriaren Helburuak (GJH) ditu oinarri bere politika zehazteko, eta ingurumen gaietan duela 10 urte baino gehiago abiatutako planifikazioa goraipatu du: "Jasangarritasunerantz aurrera goaz, pertsonak erdigunean jarrita".
"Basque Country 2030 agenda dugu gure politiken ardatz. Euskal ongizate ereduak Garapen Jasangarriaren Helburuak ditu inspirazio iturri. Baina ez gara orain hasi. Aitzitik, Euskadik 2000. urtean onartu zuen Garapen Jasangarrirako Ingurumen Estrategia. Harrezkero, plangintza oso bat sortu dugu, klima-aldaketaren erronkaren aurrean jorratu daitezkeen alderdi guztiei heltzeko. 2015ean —Parisko Akordioa sinatu baino lehen— onartutako KLIMA 2050 estrategiak ezartzen du itxuratu dugun bide-orria", adierazi du Morenok.
Ildo beretik, Euskadiko Klima Aldaketaren etorkizuneko Legea —tramitazioan dago orain— aipatu du sailburuordeak. Legearen helburua da berotegi-efektuko gasen emisioak % 40 murriztea 2030erako, eta Euskadi karbono aldetik neutroa izatea 2050erako.
Gogorarazi duenez, Eusko Jaurlaritzak uztailean ezarri zuen klima aldaketari aurre egiteko larrialdi egoera EAEn. Morenoren esanetan, adierazpenak agerian utzi zuen klima-aldaketaren aurkako borroka herrialdeko helburu zentraletako bat dela.
Moreno, bere hitzaldiaren une batean. Argazkia: Irekia
Ingurumen sailburuordeak Euskadiko eboluzio historikoa aurkeztu du ingurumen-politiken arrakastaren adibide gisa. "Gure ibai, lurzoru eta airean kalte larriak sortu zituen eredu industrial batetik ingurumen kalitate ona duen lurralde bat izatera pasatu gara oso denbora-tarte laburrean, herritarren eta sektore ekonomikoaren konpromisoari esker eta garatu ditugun politika publikoei esker. 1977an, Bilbok Estatuko hiri kutsatuena izateko zorigaitza izan zuen. Gaur egun, gure ingurumen balioak estandar onenekin homologatu daitezke", adierazi du.
Orobat, sailburuak esan du ingurumen hobekuntza hori ez dela bateraezina hazkunde ekonomikoarekin, eta ekonomia zirkularrak klima-aldaketaren aurrean jokatzen duen rol garrantzitsua nabarmendu du.
Nazio Batuen goi-bileran eta New Yorkeko Klimaren Asteko The Hub foroan parte hartu ondoren, euskal ordezkaritza beste eskualde-gobernu batzuekin bilduko da datozen egunetan.
Zure interesekoa izan daiteke
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.
Iñigo Urrutia: "Azkenaldian badirudi Konstituzioak muga erantsiak ezartzen ari dizkiola euskararen normalizazioari"
Administrazioaren eta udalen hizkuntza-politikarako eskumena jarri du zalantzan EAEko Justizia Auzitegi Nagusiak bere azken ebazpenetan. Iñigo Urrutiak, jurista eta Administrazio Zuzenbideko irakasleak, dio ezengonkortasun politikoa areagotu daitekeela azken erabaki horiekin.
Olentzero eta Mari Domingi Euskadiko hiribuetako umeekin izan dira
Olentzerok eta Mari Domingik azken bisita egin diete Euskadiko haurrei, Gabon gaueko opariak banatu aurretik. Hain zuzen, Bilboko Arriaga Antzokian, Basurtuko Ospitalean, Gasteizko Udalean eta Donostiako Unibertsitate Ospitalean izan da bikotea.
Garraio publikoak ordutegi bereziak izango ditu Gabon gauean Hego Euskal Herrian
Zerbitzu batzuek arratsalde-gau honetan aurreratuko dituzte azken bidaiak, eta kasu batzuetan gaueko zerbitzua indartuko da.
Nahi gabeko bakardadearen aurkako besarkadak
Gipuzkoako Foru Aldundiak 'Besarkaden jokoa' ekimen solidarioa jarri du martxan, opari-kutxa bat, "presak alde batera uzteko, pertsonak sentitzeko eta gogoratzeko" gonbidapenarekin. Dagoeneko salgai dago saltoki batzuetan, eta bildutako dirua Itxaropenaren Telefonoaren bi proiektutara bideratuko da.
12 urteko kartzela-zigorra eskatu dute bi gazterentzat, Donostian adingabe bat hiltzen saiatzeagatik
Eskolakide bat hiltzen saiatzea egotzi die gazteei Fiskaltzak. Dirudienez, erasotzailea "jeloskor" zegoen erasotutako adingabe bere bikotekidearekin "maite-jolasetan" ibiltzeagatik.
Artxandako parkeko horman izandako luizi baten ondorioz, ingurua itxi behar izan dute
Eremua hesitu dute eta obrak "proiektua amaitu bezain laster" egingo dituzte.