Aitaren baimenik gabe alaba Poloniara eraman duen emakume bat atxilotzeko agindu dute
2014an bere alaba, aitaren baimenik gabe, Poloniara eraman zuen emakume bat atxilotzeko euroagindua eman du Donostiako epaitegi batek. Gizonak bost urte daramatza alaba berreskuratzeko prozesu judizial korapilatsu baten murgilduta. Egun, alabak 8 urte ditu.
Aginduaren arabera, epaileak emakumeari haurraren bahiketa delitua eta agintarienganako etengabeko desobedientzia delitua egotz diezaizkioke; izan ere, epaitegiko iturrien arabera, neskatoaren amak hiru aldiz baztertu ditu alaba itzultzeko epaileak emandako aginduak.
Autoak jasotzen duenez, emakumeari lau urteko espetxe-zigorra ezar diezaioke epaileak, gertakarien "arduradun kriminala" dela erabakitzeko "ageriko arrazoiak" baitaude.
Duela bost urte joan zen emakumea Poloniara. Dibortzio prozesuan zegoen bikotea, eta, auzi horren harira, hitzordua zuten Donostiako epaitegi batean, 2014ko irailean. Ordurako, aitak emakumearen kontrako "berehalako badaezpadako neurriak" hartzeko eskatu zuen, amak alabarekin ihes egingo zuen susmoa baitzuen; baina, epailearen iritziz, gizonaren eskaria ez zetorren bat "emakumearen jarrerarekin", eta atzera bota zuen.
Ondoren, 2014ko uztailean, aitak errekurtsoa aurkeztu zuen epailearen erabakiaren aurka, baina ordurako emakumea eta alaba Poloniara joanak ziren "gizonaren baimenik gabe". Epaileak hamabost egun eman zizkion emakumeari Gipuzkoara itzultzeko, baina ez zuen agindua bete.
Horren aurrean, aitak berriro "berehalako kautelazko neurriak" eskatu zituen emakumearen kontra, eta, orduan bai, epaileak onartu egin zuen eskaera. Alabaren zaintza ere aitaren esku utzi zuen, eta emakumeari alaba aitaren esku uzteko agindu zion.
Orain, bost urte geroago, eta prozesu judizial luze baten ondoren, emakumea atxilotzeko euroagindua eman du epaileak.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.