Haurren aurkako sexu-abusuak “gorantz doan arazoa eta detektatzen oso zaila”
Euskadiko Unicefeko komiteak haurren aurkako sexu-abusuen kontrako politika eta estrategia “integral eta intersektorialak” hartzeko eskatu du. Arazoa gero eta larriagoa da. Gainera, abusuak detektatzeko eta salatzeko zailtasun handiak daude. Arazoari aurre egiteko ezinbestekotzat jo dute “egoerak aurreikusi eta babesguenak eratzea”. Bide batez, “erantzun instituzional hobeak emateko bideak zabaldu” eta “prebentziorako ekintzak” ezarri behar direla esan du Elezgaraik.
Elsa Fuente koordinatzaileak gehitu du sexu-abusuena haurren eta nerabeen aurkako biolentzia forma gogorrenetakoa dela. Izan ere, horien eskubideak urratzeaz gainera, garapen fisikoan zein mentalean zuzeneko eragina dute.
Arazoa gero eta larriagoa dela adierazi dute Unicefeko ordezkariek: “Mundu mailan okerrera doa, gainera ez dago alderik herrialde aberats eta pobreen artean, ez eta landa-eremuen edo hiri-eremuen artean ere”.
Detekzioari dagokionez, Unicefetik esan dute haurrek eta nerabeek ez dutela jokaera-patroi jakin bat erakusten. Hala ere, badaude susmoa eragiten duten erakusleak, eta horiek detektatuz gero, autoritate eskudunei jakinarazi behar zaie.
Abusuen ondorioak “batzuetan berehalakoak izan arren, urteak pasatu eta gero ager daitezke”, adierazi du Unicefeko EAEko komiteak. Horrekin lotuta, delituak preskribatzeko epeak biktimak 30 urte bete eta gero hasi beharko lukeela uste dute.
Berriz ere biktima
Unicefetik adierazi dutenez, salaketa sistema bera ez da egokiena: haur bakoitzak, batez beste, lau aldiz deklaratzen du profesional ezberdinen aurrean. Prozesu honek haurra berriz biktimizatzen du eta kaltegarria da berarentzat.
Biktimei artatzea berandu iristea da
Komiteak gaineratu du biktimak artatzea berandu heltzea dela. Prebentzio-lanak “gune seguruak eta hezkuntza programak sortzea” izan behar du oinarrian, horien esanetan.
Zure interesekoa izan daiteke
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.
Ikastetxe publikoen itxierak "lanpostuen amortizazioa" duela helburu salatu dute sindikatuek
Steilasek, ELAk eta CCOOk adierazi dutenez, Eusko Jaurlaritzak hurrengo ikasturtean ikastetxe batzuk fusionatu eta itxi nahi izatea "Hezkuntza Sailak azken urteotan darabilen utzikeriaren isla da". Gainera, gogor kritikatu dute Segregazioaren aurkako Mahaia "ekiteko asmorik" ez duela, lau aldiz bildu den arren.
Albiste izango dira: iraungitako txertoak, traktoreak kalera Bilbon, Gasteizen eta Iruñean eta Iran eta AEBren arteko tentsioa
Gaurkoan Orain-en albiste izango direnen laburpena, bi hitzetan.