Munduko 125 hirik baino gehiagok hartuko dute parte 'Fair Saturday' ekimenean
Mundu osoko 125 hirik baino gehiagok hartuko dute parte larunbat honetan Fair Saturday ekimenean. Kulturaren bidez gizarte gaiekiko elkartasuna sustatzea helburu duen mugimendu hori Bilbon sortu zen, 2014an, Black Friday delako hitzorduaren aurrean.
Aurten, 800 kultur ekitaldi inguru egingo dira munduko hainbat herrialdetan, eta 10.000 artista eta kultur elkarte inguruk hartuko dute parte. Emanaldi horien bidez, 250 gizarte gai eta proiektu baino gehiago babestuko dituzte, behartsuenen bizimodua hobetzeko asmoz.
Bilbon sortu zen egitasmo solidario hori, eta bertan egingo dira kultur ekitaldi gehienak (150). Ostiral gauerditik aurrera 9.000 pertsona inguru bildu dira 'Fair Saturday 2019' ekimenaren hasiera ekitaldian. Ikuskizun horretan, Bizkaiko abesbatzetako kide diren milatik gora lagunek hartu dute parte, hainbat artista ezagun tartean (Urko, Zea Mays, Miren de Miguel, Bilboko Koral Elkartea...).
Nazioartean, Lisboa (Portugal), Cardiff (Gales, Britainia Handia), Atlanta (AEB), Ljowert (Friesland, Herbehereak), eta Helsinki (Finlandia) bezalako hiriek egitasmoarekin bat egingo dute aurten lehen aldiz. Halaber, Malagak eta Huelvak ere parte hartuko dute, besteak beste.
Horrez gain, AEBn lehen urratsak emango ditu aurten egitasmo solidarioak, hala nola, Atlantan eta Massachusettseko estatu osoan antolatu dituzten ekitaldiekin.
Ildo horretatik, Massachusettseko Kongresuak adierazpen bat egin du Bilbon sortu zen egitasmoaren lana aitortzeko, "kulturaren bidez mundu osoko eskualdeen eta herrialdeen artean zubiak eraikitzeagatik". Hala, Ameriketako Estatu Batuetan egitasmo solidarioaren bultzatzaileak izan nahi dutela adierazi dute, antolatzaileek ohar baten bidez jakinarazi dutenez.
Datorren urtera begira, munduko hainbat herrialdetako 30 hirik baino gehiagok adierazi dute ekitaldi horrekin bat egiteko asmoa dutela, eta, erosketak bultzatzen dituen Black Friday ekimenaren aurrean, elkartasuna sustatzen duen mugimendu horrekiko interesa agertu dute.
Iaz, 150.000 pertsona baino gehiagok parte hartu zuten munduko 100 tokitan antolatu zituzten 600 ekitaldietan.
Black Friday ekimenari “boikota” egiteko eskatu du Eguzkik
Bestalde, Eguzki talde ekologistak, "Black Friday kanpaina kontsumista erasokor honekin lotutako erosketarik ez egiteko" eskatu die herritarrei.
Elkarteak ohar batean salatu duenez, "kanpaina kapitalista hauek, adiera okerrenean, helburu bakarra dute: gehiago saltzea, moda hauek ingurumenean eragiten dituzten kalte larriak kontuan izan gabe".
"Ezin dugu horrela jarraitu. Geldialdi bat egin behar dugu, nora eraman nahi gaituzten pentsatzeko, besterik ez bada ere. Ez kontsumitu ezer Black Friday delako kanpaina kontsumistarekin zerikusia duena eta zabaldu mezua gertu dituzunen artean", esan du Eguzkik.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.