124.000 migratzaile iritsi dira Europara 2019an
124.000 migratzaile iritsi dira Europara aurten, gehienak itsasoz. Asteburu honetan, adibidez, hiru patera iritsi dira Kanariar Uharteetara, eta Sea Eye Alemaniako gobernuz kanpoko erakundearen "Alan Kurdi" ontzi humanitarioa Pozzallo portuan lehorreratuko da igande honetan (Sizilian), duela hiru egun Mediterraneoan erreskatatu zituen 32 pertsonak bertara eramanez.
Europara iristeko "Kanariar bidea" delakoa berpizten ari dela diote adituek, Mediterraneo Erdialdean dagoen presio handiaren aurrean.
Migrazio-fluxuak etengabe egokitzen dira, eta Italiara zein Iberiar Penintsulara iristeko dauden zailtasunak direla eta gora egin du aurten Kanariar Uharteetara iristen diren migratzaileen kopuruak: %90 pertsona gehiago iritsi dira, 2.500 lagun zehazki. Dena dela, kopuru hori oso urrun dago oraindik, 2006en iritsi ziren 31.000 migratzaileetatik.
Libia, Tunisia, Italia eta Malta arteko eremuan, Mediterraneo Erdialdean, alegia, ibili da migratzaile gehien 2019an, eta horixe izan da pertsona gehien hil diren lekua ere: 743 biktima zenbatu dituzte. Hildako horiei Mendebaldeko Mediterraneoan, Marokotik eta Aljeriatik Espainiara iritsi nahian, hil diren 450 pertsonak gehitu behar zaizkie.
Migrazioetarako Nazioarteko Erakundeak emandako datuen arabera, migratzaileen eta hildakoen kopuruak behera egin du aurreko urteekin alderatuta.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroei dagozkiela
Osakidetza hasi da kaltetutako 30 pertsonak, 25 haurtxo eta bost heldu, berriro inokulatzen. Tetrabalente eta hirukoitz birikoaz gaizki txertatutakoek, 75 bat lagunek, asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".