Barakaldon eroritako aldamioa kentzen hasi dira
Haize-ufaden ondorioz, asteartean Barakaldon eroritako aldamioa kentzen hasiko dira suhiltzaileak eta langileak datozen orduetan. Lanek irauten duten bitartean, Anaitasuna kaleko bost etxebizitza hustuta egongo dira prebentzio neurri gisa, eta bertatik igarotzen diren autobusek ibilbidean aldaketak izango dituzte, Barakaldoko Udalak jakinarazi duenez.
Gertakaria astearte arratsaldeko 16:00ak pasata izan zen, Gurutzeta auzoan. Haize-denboralearen ondorioz, aldamio bat erori zen errepidearen eta espaloiaren zati batean. Gertakariaren ondorioz, prebentzio-neurri gisa, Vicente Alexandre kaleko 10. zenbakiko 64 etxebizitza eta La Pazeko 32 eta 34 zenbakiak hustu behar izan zituzten.
Udalak Retuertoko kultur etxea egokitu zuen, behar izan zezaketen familiei larrialdiko zerbitzua emateko; hala ere, kaltetutako pertsona gehienek senideen etxean igaro dute gaua, eta soilik bederatzi pertsonak erabili dute zerbitzu hori.
Udalak azaldu duenez, suhiltzaileak eta beharginak "desmuntaketa hastear" daude, eta horretarako, prebentzio-neurri gisa, Anaitasuna kaleko 18. zenbakiko bost etxebizitza hustu dituzte. "Lan neketsua eta zehatza" denez, egun osoan luzatzea espero dute.
Bestalde, Vicente Alexandre kalea trafikoari itxita egongo da aldamioa kendu arte, eta aldatu egin da Kbus hiri-autobuseko Desierto-Lutxana linearen ibilbidea. Linea horretan, Desierto-Lutxana noranzkoko San Inazio eta Anaitasuna geltokiak eta Lutxana-Desierto noranzkoko Anaitasuna geltokia kaltetu dira.
Hori dela eta, behin-behineko bi geraleku jarri dituzte; bata, La Paz kaleko 43. zenbakiaren ondoan dagoen Bizkaibuseko geralekuan (Desertu-Lutxana norabidean), eta bestea, La Paz kalean, Anaitasuna kalearekiko bidegurutzearen ondoan (Lutxana-Desertu norabidean).
Ostatu hartzeko irtenbidea
Bestalde, Udaletik adierazi dutenez, kaltetutako pertsona guztiei 'banan-banan' dei egiten ari zaie gaur egungo egoeraren berri emateko eta, arratsaldean, 'deiak berriro errepikatuko dira, desmuntatze lanen aurrerapenaren berri izan ondoren'.
Amaia del Campo alkateak ohartarazi duenez, aldamioa jartzeaz arduratzen den enpresak "ostatu hartzeko irtenbide bat" bilatu beharko du kaltetuentzat, "gaur gauean ere etxera itzuli ezin badira".
BIDEOA: Horrela geratu da aldamioa:
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.