Urkulluk Zaldibarren lurperatuta dauden langileetako baten familiari erantzun dio
Iñigo Urkullu lehendakariak adierazi du "ulertzen" duela Zaldibarko zabortegian lurperatuta dauden langileen senideen mina, eta bilaketa lanetan ari diren erakundeen, enpresen eta langileen konpromisoa berretsi du.
Urkulluk, sare sozialen bidez, Joaquin Beltranen familiak atzo kaleratu zuen oharrari erantzun dio. Senideek salatzen zuten bilaketa-lan horietan koordinaziorik ez zegoela, eta "desegokiak eta gutxiegi" direla. Hori horrela, "egiten ari direna baino askoz gehiago egin daitekeela eta egin beharko litzatekeela" adierazi zuen.
Zabortegia behera etorri zela ia hilabete bat igaro denean, "errealitateak dio Albertok (Soroluce) eta Joaquinek zabor artean lurperatuta jarraitzen dutela", deitoratu zuten senideek.
"Sentitzen dut, orain arte Albertoren eta Joaquinen senideekin partekatzeko izan ditudan bi aldietan, gai izan ez banaiz haien minarekiko hurbiltasuna eta bilaketa-lanak bultzatzeko nire eguneroko konpromiso pertsonala helarazteko", esan die lehendakariak biktimen senideei.
Argitu du baduela erakunde guztien "konpromisoaren" berri, eta baita "tokian bertan eta handik kanpo lanean ari direnen borondatea, ahalegina eta irmotasuna ere, beharrezkoak diren bitarteko guztiak erabilita, Alberto eta Joaquin agertzea lortzeko –Nahiago nuke lehenbailehen balitz!–".
Lehendakariak berretsi du bere konpromisoa "lan egiten jarraitzea" dela, "profesionalen gaitasun tekniko eta trebetasun guztiez", eta lehentasuna "desagertutako bi pertsonen bilaketa" dela.
Bestalde, Pedro Anitua Larrialdien Arretarako zuzendariak azaldu duenez, mendi magalaren egonkortasuna hobetuta eta argiztapen dorreak jarrita, lanak indartu dituzte, eta martxoaren 2an hasi ziren goizeko seietatik gaueko hamaiketara etengabe lanean.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.