Bi segurtasun biltegi eraikiko dituzte Zaldibarren zabortegiko hondakinak gordetzeko
Otsailaren 6an amildu zen Zaldibarko zabortegitik erreskate eta eremuaren egonkortze lanetan kendutako 300.000 metro kubiko hondakin gordetzeko bi segurtasun biltegi eraikiko dituzte "aurki", gaur Eusko Jaurlaritzak Gobernu Bileran onartu duen dekretu baten arabera.
Ingurumen, Lurralde Antolaketa eta Etxebizitza Sailak ohar batean azaldu duenez, bi gordailuak hondakindegiaren aldameneko lurretan eraikiko dituzte, "ingurumen eragina ahalik eta txikiena izan dadin", hondakinak garraiatzea arriskutsua izan daitekeelako. Verter Recycling 2002 enpresaren eta beste ugazaba batzuen lursailetan kokatuko dituzte bi gordailuok, Zaldibarreko udalerrian bertan.
Biltegietako batek (zabortegiaren behealdean eraikiko dutena) 140.000 metro kubikoko edukiera du, eta bigarrenak (goialdean), 160.000 metro kubikokoa. Beteta daudenean, zigilatu egingo dituzte.
Ingurumen Sailak zehaztu duenez, salbuespenezko egoera tarteko, biltegiok eraikitzeko proiektu horretan ez dituzte halakoetan ohikoak diren ingurumenaren gaineko eraginaren eta lurzoruaren kalitateari buruzko azterketarik egingo, "legek horretarako aukera ematen du eta". Udal lizentziarik ere ez dute beharko. Dena dela, Sailak azpimarratu du "egokitasun azterketa" bat egin dutela.
Zaldibarko hondakinak arriskutsuak dira orain
Dekretuaren arabera, gordailuok "segurtasun berme guztiekin eraikiko dira, lurzoruaren inpermeabilizazioa, gasen irteera, eta uren drainatze eta biltze egokia bermatzeko". Behin biltegiak beteta, zigilatu egingo dituzte. Aurrena zabortegiaren behealdean kokatuko den 1. biltegia egingo dute, bost milioi euroko aurrekontuarekin.
Tamainako egoerak kudeatzen aditua den enpresa batek egin du proiektua. Izan ere, Zaldibarko zabortegiak hondakin ez-arriskutsuak bakarrik biltzen bazituen ere, luiziaren ostean, arriskutsutzat jo dituzte orain, amiantoarekin nahastu baitira.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
