AP-8a itxi dute Zaldibarren, luizi batengatik, eta bi langile desagertuta daude
Luizi handia izan da arratsalde honetan AP-8 autobidean, Zaldibar parean, eta bi pertsona desagertu dira, Segurtasun Sailak jakinarazi duenez. Halaber, autobidea itxita dago bi noranzkoetan.
Mendi-magalean zegoen zabortegi bateko langileak dira desagertuta dauden bi lagunak. Suhiltzaileak eta Ertzaintzako erreskate taldeak haien bila ari dira.
Ezbeharra 16:00ak inguruan gertatu da. Harrezkero autobidea itxita dago; ostiral goizean irekiko dutela aurreikusi dute. Ermuko saihesbidea ere itxi behar izan dute luiziaren ondorioz, eta inguruan dauden bi baserri jendez hustu dituzte, badaezpada.
Luiziak tonaka zuhaitz eta harri eraman ditu aurretik, baina azpian ez du ibilgailurik harrapatu. Tamalez, laster jakinarazi dute mendi-magalean dagoen zabortegiko bi langile desagertuta daudela.
Ertzaintzaren erreskate taldeko txakurrek arrastoren bat antzeman dute eta ingurune horretan ari dira bi lagunen bila.
Ekipo elektrogenoak eraman dituzte, gauean bilaketa-lanekin jarraitzeko. Ildo berean, makinak bertaratu dituzte errepidea garbitzeko.
Errepidea garbitzeko lanak
Bizkaiko Foru Aldundiak azaldu duenez, 3.000-4.000 metro kubiko materia bizigabe erori dira autobidera. Luiziak lau metroko altuera dauka eta errepidearen 35 metro estali ditu.
Ezbeharraren tokira suhiltzaileak eta larrialdi zerbitzuetako langileak bertaratu dira. Gainera, Ertzaintzak mendiko taldea, helikoptero bat eta droneak bidali ditu hara.
Bestalde, luiziak hainbat dorre elektriko bota ditu eta, ondorioz, 6.400 bezero argindarrik gabe geratu dira. Iberdrolak zehaztu duenez, 10 minututan lortu dute zerbitzua ia erabat berrezartzea.
Luiziak AP-8 autobidea bi noranzkoetan ixtea eragin du eta ilara luzeak sortu dira. Ertzaintzak inguruko errepideetatik bideratu du zirkulazioa.
Foru Aldundiak azaldu duenez, arratsaldeko azken orduan hasi dira errepidea garbitzeko lanak. Ostiral goizerako garbituta egotea da asmoa, "by-pass" bat jarri eta zirkulazioa tarteka ahalbidetzeko.
25 behargin, sei makina hondeatzaile eta hamaika kamioi ari dira garbiketa lanetan.
BIDEOA | Ertzaintza: "Zabortegian usain asko daude eta txakurrek zaila dute"
BIDEOA | Ertzaintza lur-jausiak harrapatutako bi pertsonaren bila ari da
BIDEOA | AP-8 autobidea itxi dute Zaldibarren izandako luiziagatik
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.