Eusko Jaurlaritzak "Osasun Alerta" jarri du indarrean

Lehendakariak aitortu du egoera "larria" dela, ez dugula "okerrena" pasatu oraindik. Hori dela eta, "pertsona, familia eta enpresa guztien esfortzua" eskatu du.

Larrialdi adierazpena onartu du Jaurlaritzak

eitb.eus

2020/03/13 - 09:24

Azken eguneratzea

2020/03/13 - 15:40

Iñigo Urkullu lehendakariak iragarri du Gobernu Kontseiluak "Osasun Alerta edo Larrialdi Aitorpena" jarri duela indarrean. Sailburuekin egindako bileraren osteko prentsaurrekoan azaldu duenez, egoera "larria" da, eta gizarteak "aparteko ahalegina" egin behar du krisiari aurre egiteko.

Urkulluk aitortu du egoera "larria" dela, ez dugula "okerrena" pasatu oraindik. Hori dela eta, "pertsona, familia eta enpresa guztien esfortzua" eskatu du, "osasun langileena" bereziki.

Urkulluk sinatutako dekretuaren arabera, "larrialdiaren aurrean babes zibilaren aginte bakarra" bere esku geratzen da, eta herritarren isolamendua edo "leku arriskutsuetara" joateko debekua ezar dezake.

Kazetaririk gabeko prentsaurreko batean (kazetariek telematikoki egin behar zituzten galderak), lehendakariak alerta egoera horrek eta "Babes Zibileko Plana" indarrean jartzeak zer esan nahi duen azaldu du.

Horren harira, gogorarazi du Larrialdiak Kudeatzeko Legearen 8. artikuluak "herritarren eskubideei eragiten" dieten neurriak hartzeko eskumena ematen diola.

Legeak jasotzen dituen neurri horiek guztiak, eta Urkulluk berak azaldu duenez, iraupen "mugatua" izango dute, "larrialdiari aurre egiteko beharrezkoa" hain zuzen ere, eta "arriskuaren araberakoa" izango da beti.

Era berean, Ramiro Gonzalez Arabako ahaldun nagusiak Larrialdi Plana indarrean jarri du lurralde historikoan, Arabako Foru Aldundiaren baliabideak Eusko Jaurlaritzaren esanetara jarriz, lehendakariak osasun larrialdi egoera ezarri ondoren.

"Erabakia hartu dut lehendakariarekin lankidetzan, egoeraren aurrean erantzun eraginkorra emateko helburuarekin", azaldu du Ramiro Gonzalez Arabako ahaldun nagusiak agiri batean.

Interesekoa: Zer da osasun larrialdi egoera eta Eusko Jaurlaritzari ematen dizkion tresnak

Apirilaren 5eko hauteskundeak

Hauteskundeei dagokienez, Urkulluk esan du "garrantzitsua" dela alderdi politikoek "irizpideren bat edukitzea", eta apirilaren 5eko hauteskundeen inguruko neurriak "adostuak" izatea. Horren harira, hartzen duten erabakiak erakunde guztien oniritzia izango beharko duela adierazi du.

Gai hori jorratzeko euskal alderdietako ordezkariekin astelehenean elkartuko dela gogorarazi ostean, ohartarazi du "Espainiako Estatuko legedian hutsunea" dagoela egungo egoeraren inguruan.

"Entzuteko prestutasuna dugu, neurriak gure esku dauden aztertuko dugu. Dena dela, erabakia niri badagokit, erakundeen oniritziarekin eta koordinatuta egiteko asmoa dut", gaineratu du, hauteskunde batzordeari eta gainerako erakundeei erreferentzia eginez.

9 pertsona osatu dira

Bestalde, lehendakariak iragarri du dagoeneko koronabirusa zuten 9 pertsona sendatu direla. EAEn 417 pertsona daude kutsatuta eta 14 dira hildakoak.

18:00 - 20:00

Eusko Jaurlaritzak hezkuntza zentro guztiak ixteko erabakia hartu zuen atzo, eta gaurtik aurrera 500.000 pertsona daude eskolarik gabe.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Albiste gehiago gizartea

Bittor Arginzonizen Etxebarri erretegiak munduko bigarren jatetxe onena izaten jarraitzen du

Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.

Abadia Saria jaso du Gure Zirkuak

Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.

Beskoitzek ikastola berria izango du 2026-2027 ikasturtean

Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.

(Foto de ARCHIVO)

The rainbow flag is pictured during opening event of the 'Brussels Pride', Wednesday 07 May 2025 in Brussels. The opening event was organized by Rainbow House. Brussels Pride puts the LGBTQIA+ community in the spotlight by adorning the streets of Brussels with the colors of the rainbow.

Europa Press/Contacto/LOU LAMPAERT

07/5/2025

Ehgamek Bilbao Bizkaia Harro ekimena boikoteatzeko deia egin du

EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.

500 ekitalditik gora antolatu dituzte 2025eko sanferminetarako

Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.

FOTODELDÍA SAN SEBASTIÁN, 17/06/2025.- Vista este martes de la playa de La Concha de San Sebastián. Los cielos en el País Vasco estarán hoy poco nubosos en el País Vasco, los vientos serán flojos y variables, aunque por la mañana se fijarán del norte, las temperaturas mínimas no variarán y las máximas experimentarán un ligero o moderado ascenso. EFE/Javier Etxezarreta

Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik

Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.

Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora

Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.