Netflixek iragarri du kalitatea jaitsiko duela Europan, sareak gainez ez egiteko
Netflix plataforma digitalak iragarri du irudi kalitatea jaitsiko duela Europan 30 egunez, zenbait herrialdetan konfinamendu neurriak indarrean dauden honetan sareak gainez egin ez dezan.
Neurri horrekin, Netflixek berak uste du trafikoa % 25 jaitsiko dela Europako sareetan.
Europar Batasunaren eskaera
Ordu batzuk lehenago, Thierry Breton EBko Industria komisarioak kalitatea jaisteko eta bereizmena goi mailakoa ez izateko eskatu zien Netflix eta gainerako ikus-entzunezko plataformei, koronabirusagatik konfinamendua orokortu den honetan "Internetek huts egin ez dezan".
"Agintari publiko eta enpresa askok telelana ezarri dute. Unibertsitate eta eskola batzuek Internet bidez ikasteko tresnak jarri dituzte. Are gehiago, etxean konfinatuta dagoen jendeak entretenimendu aplikazioak erabiltzen ditu, streaming bidezko pelikuletarako edo online jokuetarako", adierazi zuen Europako Batzordeak.
Ondorioz, "Interneten gaitasunaren eskaera handitu egin da, eta trafikoaren banaketa ezohikoak arriskuan jartzen du sarearen azpiegitura, gehien behar dugunean, hain justu", gaineratu zuen.
Komisarioak Reed Hastings Netflixen kontseilari ordezkariarekin hitz egin du, eta gainerako plataformei ere telekomunikazio operadoreei laguntzeko eta "bideo emanaldien errendimendua" egokitzeko eskatu zien: "Adibidez, estandar kalitatea eskainiz, goi mailakoa izan beharrean, bereziki lanordu kritikoenetan”.
Albiste gehiago gizartea
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.
Albiste izango da: "Karmele" Zinemaldian, udazkena helduko da eta Nazio Batuen Batzar Nagusia
Orainek gaur landuko dituen albiste nagusien laburpena.
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.