Bermeoko Correosen bulegoa zabalik dago eta segurua da gutunak eta paketeak jasotzea
Bermeo Bizkaiko udalerriko Correosen bulegoak, gainerako posta bulegoek bezala, 09:30etik 12:30era zabaldu du martxoaren 25ean, posta zerbitzu publikotik 'Koronabuloak' (koronabirusari buruzko albiste faltsuak) gezurtatzen ari den EiTBko lantaldeari jakinarazi dionez.
Erabiltzaile batzuek WhatsAppeko mezu hau bidali zuten 600 900 454ra, COVID-19 gaitzarekin lotutako albiste faltsuak gezurtatzeko asmoarekin EiTBk argazki, testu edota bideo susmagarriak jasotzeko jarri duen zenbakira:
Correos de Bermeo cerrado, 100% positivos y los de mundaka cerrado por que cogen las cartas en bermeo. Todo de Amazon y Aliexpress. Hay lo dejo
Mezua egiaztatu edo gezurtatzeko (berez, bere horretan ikusita, nahiko susmagarria da; izan ere, ez du iturririk aipatzen, ortografia akatsak ditu eta kontu ezberdinak nahasten ditu bi esalditan), Correosekin jarri ginen harremanetan.
Posta zerbitzuak gaur, martxoaren 25ean esan digunez, 'bulegoak 09:30etik 12:30era baino ez dira zabaltzen, posta zerbitzu publikoa erabili behar duten bezeroak artatzeko. Bermeokoa ere ordutegi horrekin zabaldu dute gaur'.
Halaber, Correosetik azaldutakoaren arabera, 'lantoki batean kasu bat atzeman denean (baieztatua, balizkoa edo zalantzazkoa, Osasun Ministerioaren sailkapenaren arabera), ezarritako protokoloa aplikatu dute: langileak koarentenan jarri dituzte, lantokia itxi dute eta desinfektatu egin dute, eta, ondoren, berriro ireki dute, beste lantalde batekin, beharrezko posta zerbitzu publikoa ematen dela bermatzeko'.
Horrez gain, bertatik zehaztu dutenez, 'Correosen jarduera guztiak Osasun Ministerioak emandako jarraibideak kontuan hartuta egiten ari dira, langileen eta bezeroen osasuna babesteko. Correosek eskertu egin nahi du, beste behin ere, langile guztien ardura, une larri hauetan ere posta zerbitzu publikoa eskaintzeko konpromisoa erakusten ari direlako egunero'.
Bermeoko Udaltzaingoak ere baieztatu dio EiTBri Correosek bertan duen bulegoa irekita dagoela, eta, eurek dakitela, egun hauetan egun batean bai eta hurrengoan ez 'gutxienez' zabaldu dutela gaineratu dute.
Gutunak eta paketeak
Mezuaren arabera, itxierak Mundakari ere eragiten dio, 'gutunak Bermeon hartzen dituztelako', eta honakoa esaten zuen amaieran: 'Todo de Amazon y Aliexpress. Hay lo dejo'.
Munduko Osasun Erakundeak otsailaren 1ean argitu zuen kontua Segurua al da Txinatik bidalitako gutun edo pakete bat jasotzea? 'Bai, segurua da. Txinatik bidalitako paketeak jasotzen dituzten pertsonek ez dute #2019nCoV birusarekin kutsatzeko arriskurik. Orain arte egin diren azterketa batzuei esker dakigunaren arabera, koronabirusak ez du denbora asko bizirik irauten objektuetan, gutunetan edo paketeetan, esaterako', azaldu dute.
EiTBk 'Koronabuloak' ekimena du abian, VOST Euskadi Euskadiko Larrialdietako Boluntario Digitalen Elkartearekin lankidetzan eta Maldita.es web orrialdearekin harremanetan, koronabirusari buruzko albiste faltsuei aurre egiteko.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.