38 pertsona hil dira EAEn eta 7 Nafarroan, azken 24 orduetan
EAEn 38 pertsona hil dira azken 24 orduetan koronabirusak jota, eta 441 kasu berri antzeman dira denbora tarte horretan, Espainiako Osasun Ministerioak emandako datuen arabera.
Hala, kutsatu berrien kopuruak gora egin du atzotik (360 kasu berri izan ziren) eta hildakoenak ere bai (atzo 33).
Orotara, 8.628 pertsonak eman dute positibo COVID-19 gaitzean Euskal Autonomia Erkidegoan eta hildakoak 515 dira jada. Sendatuak, berriz, 3.405.
Osasun krisia hasi zenetik 404 pertsona artatu dituzte Zaintza Intentsiboko Unitateetan.
Lurraldeka:
Araban 100 positibo izan dira azken orduetan. 2.639 dira kutsatuak, 288 ospitaleratuak eta 194 hildakoak.
Bizkaian 265 positibo berri izan dira. 4.489 dira kutsatuak, 1.124 ospitaleratuak eta 242 hildakoak.
Gipuzkoan 76 positibo berri izan dira. 1.500 dira kutsatuak, 345 ospitaleratuak eta 79 hildakoak.
Atzo 1.464 test egin ziren eta %29 izan ziren positiboak.
Nafarroan 7 hildako eta 101 kutsatu gehiago
Koronabirusen kasu positiboak 3.073ra igo dira Nafarroan, azken 24 orduetan 101 kasu gehiago agertu ondoren. Hildakoen kopurua, berriz, 178ra igo da, azken 24 orduetan zazpi pertsona gehiago hil eta gero.
Bestalde, zainketa intentsiboetako unitatean 123 paziente ospitaleratu behar izan dituzte, hau da, hiru pertsona gehiago, Espainiako Osasun Ministerioaren datuen arabera.
Halaber, 334 pazientek jaso dute alta Foru Erkidegoan, azken 24 orduetan 23 gehiagok.
674 pertsona hil dira koronabirusen ondorioz Espainian, eta kutsatzeak eta heriotzak moteltzen ari dira
Bestalde, Osasun Ministerioak igande honetan baieztatu duenez, 12.418 pertsona hil dira jada koronabirusarekin Espainian, azken 24 orduetan beste 674 pertsona hil ostean (% 5,7 gehiago).
Gainera, 6.023 kutsatu berri zenbatu dira, 130.759 dira guztira eta % 4,8koa da igoera.
Zifrak ikusita, kasu positiboek eta heriotzek gehitzen jarraitzen dute, baina aurreko egunetan baino modu motelagoan.
6.861 pertsona daude egun zainketa intentsiboetako unitateetan ospitaleratuta, 329 gehiago atzotik (aurreko egunean baino % 5 gehiago).
3.861 pertsona gehiago osatu dira COVID-19tik atzotik; beraz, 38.080 dira jada (% 11,3 gehiago), Salvador Illa buru duen sailak emandako azken datuen arabera.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.