Biztanleriaren immunizazioa neurtuko duen ikerketa gaur jarriko dute abian
Espainiako Gobernuaren Osasun Ministerioa COVID-19 koronabirusaren aurrean biztanleriak duen immunizazioa balioztatzeko ikerketa prestatzen ari da. Ikerketa, berez, gaur, astelehena, jarriko da martxan. Carlos III.a Osasun Institutuak eta Estatistikako Institutu Nazionalak ere parte hartuko dute bertan.
Europa Press agentziari baieztatu diotenez, ikerketa abian dago jada hiri batzuetan, Zaragozan esaterako, nahiz eta ofizialki astelehenean ekingo dioten. Ikerketan, 60.000 pertsona aztertuko dituzte, 30.000 pertsonako bi txandatan.
Raquel Yotti Carlos III.a Osasun Institutuko zuzendaria izango du buru ikerketak, eta emaitzak aste batzuk igaro ostean jasotzea espero da. Gobernuak ez du zehaztu datuak noiz izango dituen, baina pertsonen arteko distantzia-neurriak leuntzeko erabakiak hartu ahal izateko lagungarria izango dela esan du.
Maria Jesus Montero Gobernuaren bozeramaileak esan duenez, lana erkidegoekin koordinatuta egingo da, eta ateratzen diren datuak osasun-langileen lana eskatzen duten beste test batzuekin bateratu beharko dira, sortutako antigorputzak nola dauden zehazteko.
Salvador Illa Osasun ministroak orain egun batzuk esan zuen moduan, test serologikoak biztanleria orokorrari aplikatuko zaizkio, gaixotasuna gainditu duten jakiteko eta immuneen ehunekoa zenbatekoa den jakiteko.
Bestalde, Fernando Simon Osasun Alerta eta Larrialdi Zentroko koordinatzailearen hitzetan, ikerketa hau "oso garrantzitsua" izango da Gobernua lantzen ari den deseskalatze faseko planteamenduak egiteko.
"Fase berrietarako oso garrantzitsua izango da benetan kutsatuen zenbatekoa jakitea, edo gutxienez estimazio ahalik eta zehatzena egitea. Datu hori garrantzitsua izango da, baina ez da iturri bakarra izango", adierazi du Fernando Simonek.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.