Zaldibarko zabortegian dauden lau bilaketa-guneetatik bi berrikusi dituzte dagoeneko
Bi desagertuen gorpuak aurkitzeko Zaldibarko zabortegian zehaztu zituzten lau bilaketa-guneetatik bi erabat berrikusita eta garbi daude, hondakinik gabe, Eusko Jaurlaritzak jakitera eman duenez.
Bi gune garbiak hauek dira: B3 (autobidetik hurbilen dagoena) eta B2 (ondo-ondoan dagoena).
Otsailaren 6an hil zirenetik hiru hilabete igaro direnean, Alberto Sololuze eta Joaquín Beltranen gorpuak bilatzeko prozesua hasi zenetik 109.395 m ³ hondakin atera eta berrikusi dituzte.
B4 bilaketa-eremuan, aste honetan berriro hasi dira erauzketa- eta bahetze-lanak arrastelu bidezko indusketa-ekipo batekin, hondakinak aldi baterako pilatzen diren biltegitik gertuen dagoen zatian.
Datozen egunetan, irristatzearen erdi- eta goi-partea burugabetu eta metatutako materialak arindu ahala, hondakinen lehenengo biltegitik hurbil dauden eremuak ere hondeatu ahal izango dituzte.
Bilaketa lanak ohiko ordutegian egiten ari dira, 08:30etik 19:00etara. Teknikariek eta Ertzaintzako Brigada Mugikorrekoek Joaquin Beltran eta Alberto Sololuze bilatzeko prozesuan birmugitzen, ateratzen eta bahetzen diren hondakinak zaintzen jarraitzen dute.
Zure interesekoa izan daiteke
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.
Bost atxilotu, horietako bi Nafarroan, adingabe batekin trafikatu eta ezkontzera behartzeagatik
Nafarroako Erriberatik Kataluniara eraman zuten 14 urteko neska, eta familia eroslearen kontrolpean egon zen, behartuta ezkontzera bultzatzeko asmoz. Gizakiak salerostea egotzi diete.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina ohartarazi dute ura arre atera daitekeela une batzuetan, eta, beraz, ura isurtzen uzteko eta oraingoz iturrikoa ez edateko gomendatu dute.
'San Juan' baleontzia Pasaiako badian da jada, historia egiteko prest
Oraindik ez dute lan guztia amaitu, mastak, oihalak eta beste xehetasun batzuk falta baitira. Asmoa da 2027an Kanadarantz abiatzea, euskaldunek bere garaian egiten zuten modura.
'San Juan' ontziaren uretaratze hunkigarria Pasaian
Sagardoarekin bataiatu ondoren, San Juan baleontzia Pasaiako badian uretaratu dute. Agintariek eta ehunka herritarrek ez dute une historikoa galdu nahi izan.
Bizkaiko Foru Aldundiaren LEP bat baliogabetu dute plaza gehienetan euskara eskatzeagatik
Epaile batek bertan behera utzi du deialdia, neurriz kanpokotzat jo baitu Gizarteratzeko Goi Mailako Teknikari lanpostuetako 20tik 18tan eskatzen den euskararen hizkuntza-eskakizuna, zerbitzu horren erabiltzaile gehienak gaztelaniaz aritzen direlako.
Auto-ilara luzeak BI-30 errepidean, Sondikan, eta A-8 autobidean, Arrigorriagan
Arazo handiak izan dira zirkulazioan ostiral arratsaldean EAEko errepide-sareko bi puntu horietan, bi zirkulazio-istripuren ondorioz.
Donostiak eta Gasteizek atxilotuen delitu-historia ikusteko aukera izango dute
Berrerortzeari aurre egiteko eta segurtasuna indartzeko neurria da, eta udaltzainek Justizia Ministerioaren artxiboetan izango dute atxilotuen aurrekarien berri zuzenean.