Hondartzak ekainaren 15ean irekitzea proposatu du Bizkaiko Aldundiak
Bizkaiko Foru Aldundia ostiralean bilduko da udalekin, aurten hondartzak zein baldintzatan irekiko diren zehazteko, eta denboraldia ekainaren 15ean hastea proposatuko die.
Bileran, Aldundiak eta udalek Bizkaiko hondartzetan "segurtasun-distantzia bermatzeko" hartu beharreko neurriak aztertuko dituzte, baita "berme hori gauzatzeko legezko tresnak" eta "aglomerazio handieneko uneak" aurreikusteko modua ere. Horretarako, besteak beste, hareatzak itsasbeheran eta itsasgoran duen azalera izango da kontuan hartuko duten irizpideetako bat.
Hondartza denboraldia ekainaren 15a eta uztailaren 1a bitartean hastea erabakiko dute, baina, Bizkaiko Foru Aldundiak gaur azaldu duenez, ostiraleko bileran udal arduradunei proposatuko die "hondartza-denboraldia irekitzeko aukerarekin lan egitea" lehen egun horretarako.
Ostiralean udalekin egingo duten bileran, hondartza bakoitzean COVID-19ari aurre egiteko kontingentzia udal planaren zirriborroa ezartzen saiatuko dira.
Foru langileak (sorosleak, hondartzainak eta hondartzak garbitu eta mantentzeaz arduratzen direnak) jasotzeaz gain, udal plan bakoitzak bere kudeaketa zuzenaren menpe dauden gaietarako hartuko diren neurriak zehaztuko ditu, hala nola, bainuen garbiketa, hondartzak erabiltzeko jarraibideak, aparkalekuak edo, hala badagokio, hareatzetako polizia zaintza, Aldundiaren arabera.
Neurriak "bat etorriko dira" Eusko Jaurlaritzako Osasun Sailak hondartzak erabiltzeko emandako gomendioekin, eta Bizkaiko hondartza guztietan "ahalik eta homogeneoenak" izan daitezen saiatuko dira, "betiere hareatza bakoitzaren berezitasunak kontuan hartuta", zehaztu duenez.
Aldundiak udalen esku jarriko ditu Hondartzak Kudeatzeko Sistema Integralaren baliabideak.
Gainera, lagunduriko bainuaren kasuan edukiera mugatzea planteatuko da, zerbitzuaren erabiltzaileen arteko segurtasun-distantzia bermatzeko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.